א ביטערע עקסידענט האט פאסירט נעכטן אנהייב נאכט אין מאנסי, וואו א עלטערער איד איז ליידער טראגיש נפטר געווארן ה"י נאכן ווערן אראפגעקלאפט דורך א קאר.
דער נפטר איז הרב החסיד ר' חיים הערש צימענד ע"ה פון מאנסי, זיבעציג יאר אלט, א זון פון הרב החסיד ר' טובי' ארי' צימענד ע"ה פון שיכון סקווירא, ער איז אריבער די גאס אויף וועסט מעיפל נעבן ביהמ"ד זוועהיל, צוזאמען מיט א באגלייטער וועלכער האט אים צוגעהאלפן, א שנעלפארנדע קאר וואס האט זיי נישט באמערקט האט אראפגעקלאפט ביידע, וועלכע זענען שווער פארוואונדעט געווארן.
ביידע זענען געווארן אפגעפירט אין שפיטאל פאר באהאנדלונגען, אין די צייט וואס דער באגלייטער געפונט זיך ב"ה אין א סטאבילע צושטאנד, איז אבער ר' חיים הערש ליידער נפטר געווארן פון די שווערע וואונדן ה"י. די לוויה קומט פאר היינט ערב שבת קודש 11:30 פארמיטאג ביי ביהמ"ד שערי תפילה אין מאנסי, און נאך שבת וועט ער געפירט ווערן קיין ארץ ישראל לקבורה.
