היינט נאכט י"ב כסלו בליל ההילולא קדישא פונעם הייליגן בת עין זי"ע, וועט הגה"צ המשפיע ר' אלימלך בידערמאן שליט"א אפרעכטן די גרויסארטיגע סעודת הילולא במעמד אלפי חסידים ואנשי מעשה, אינעם ריזן היכל ביהמ"ד דחסידי תולדות אהרן אין ירושלים עיה"ק. דערנאך וועט פארקומען די מעמד עלי' לציון אויפן אלטן בית החיים אין עיה"ק צפת.
היינט קומט פאר אין בארא פארק א יארצייט סעודה לרגל די יומא דהילולא קדישא פונעם הייליגן בת עין זי"ע, אין זאל עטרת מרדכי טאהש אויף די פערצנטע עוועניו, וואו כ"ק אדמו"ר מסקולען שליט"א פון לינדען וועט אויפטרעטן מיט דברות קודש.
שמחת בית בלאזוב ריבאטיטש: היינט קומט פאר די שמחת החתונה פונעם חתן א זון פון הגה"צ ר' יעקב יחזקי' סופר שליט"א, זון פון הגה"צ אבד"ק פאפא ירושלים שליט"א, און איידעם ביי הגה"צ ר' אברהם יונה שווארץ שליט"א גאב"ד וויען עסטרייך, מיט די כלה א טאכטער פון כ"ק אדמו"ר מבלאזוב ריבאטיטש שליט"א, איידעם ביי הרה"ג ר' שאול קנאבלאך שליט"א ר"ם במתיבתא ד'באבוב. – די שמחת החתונה קומט פאר אין זאל אהלי פרידא אין בארא פארק.
היינט קומט פאר די שמחת החתונה פון די כלה א טאכטער ביי כ"ק אדמו"ר מדזיקוב גבעת זאב שליט"א, מיט די חתן א זון פון הרב פנחס משה לאנדמאן שליט"א, זון פון הרה"ג ר' נתן נטע לאנדמאן שליט"א רב פון שטאט חולון. – די שמחת החתונה קומט פאר אין זאל גני הדקל אין בני ברק.
היינט קומט פאר די שמחת החתונה פונעם חתן א זון פון הרב משה יוסף שימענאוויטש שליט"א, מיט די כלה א טאכטער פון הרב מרדכי יודא פיש שליט"א, זון פון כ"ק אדמו"ר מהאדאס שליט"א, און איידעם ביי הגה"צ אבד"ק וואדקערט שליט"א. – די שמחת החתונה קומט פאר אין זאל בית צירל אין קרית טאהש.
שמחת בית ספינקא: היינט קומט פאר די שמחת השבע ברכות פון א אייניקל ביי כ"ק אדמו"ר מבית יצחק ספינקא שליט"א, די חתן א זון פון זיין איידעם הגה"צ ר' אליעזר צבי הורוויץ שליט"א, זון פון הגה"צ אבד"ק סאטמאר מאנטשעסטער שליט"א, מיט די כלה א טאכטער פון הגה"צ ר' חיים יודא לייבוש באב"ד שליט"א ראש ישיבת תורת חסד אין לאנדאן. – די שמחת השבע ברכות קומט פאר אין זאל פון ת"ת באבוב אין לאנדאן.
שמחת בית ספינקא: היינט קומט פאר די שמחת השבע ברכות פון א אייניקל ביי כ"ק אדמו"ר מתולדות צבי ספינקא שליט"א, די חתן א זון פון זיין זון הגה"צ ר' יואל זוסמאן הורוויץ שליט"א אבד"ק תולדות צבי ספינקא בארא פארק, איידעם ביי הגה"צ גאב"ד קארלסבורג שליט"א, מיט די כלה א טאכטער פון הגה"צ ר' גדלי' משה פאנעט שליט"א, זון פון כ"ק אדמו"ר מדעעש שליט"א. – די שמחת השבע ברכות קומט פאר אין ספינקא ביהמ"ד אויף פענן סטריט אין וויליאמסבורג, אינאיינעם מיט א יארצייט סעודה לרגל די יומא דהילולא קדישא פונעם הייליגן בת עין זי"ע.
היינט קומט פאר די שמחת השבע ברכות פון א אייניקל ביי הגה"צ ר' יעקב מרדכי טווערסקי שליט"א אבד"ק טשערנאביל אלעד, איידעם ביי הגה"צ גאב"ד ראדאמישלא רמות שליט"א, די חתן א זון פון זיין איידעם הרב לוי טווערסקי שליט"א, אייניקל פון כ"ק אדמו"ר מראחמיסטריווקא זצ"ל. – די שמחת השבע ברכות קומט פאר אין טשערנאבילער בית המדרש אויף רחוב ראב"ד אין בני ברק.
כ"ק אדמו"ר מסאטמאר שליט"א קערט זיך היינט צוריק למעון קדשו אין וויליאמסבורג, נאכן וויילן די לעצטע פאר טעג אין אנטווערפן לרגל די הרחבת גבולי הקדושה אינערהאלב קהילת ומוסדות סאטמאר אין שטאט.
כ"ק אדמו"ר מקוידינוב שליט"א קערט זיך היינט צוריק למעון קדשו אין בני ברק, נאכן וויילן די לעצטע וואך צייט אין שטראסבורג פראנקרייך לטובת מוסדותיו הקדושים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
