לכבוד ראש חודש כסלו זענען די בחורים פון ישיבת מבקשי השם אין בארא פארק געקומען אויף א ספעציעלע באזוך בהיכלו פון כ"ק אדמו"ר מקאסוב שליט"א, וועלכער האט אפגעראכטן א ספעציעלן סעודת ראש חודש אינאיינעם מיט די בחורי חמד.
די בחורים זענען שוין אנגעקומען אין ביהמ"ד אויף תפילת שחרית, און געדאווענט אינאיינעם מיטן רבי'ן די ראש חודש'דיגע דאווענען, דערנאך האט מען זיך געוואשן צו א סעודת ראש חודש, און דערביי געהערט ווארעמע דברות קודש פונעם רבי'ן שליט"א אין פארשידענע ענינים הצריכים חיזוק. איינער פון די תלמידי הישיבה האט געמאכט א סיום מסכתא, און דער רבי האט פארטיילט א ספעציעלע מזכרת פאר אלע בחורים.
