דעם דאנערשטאג נאכט פרשת בא איז פארגעקומען די מעמד קביעת מזוזה פאר די נייע צענטראלע אפיס פון מכון שפה ברורה קאסוב, וואס איז עוסק שוין עטליכע יאר ארויסצוגעבן לאור עולם די דברי תורה און ספרים נפלאים פון כ"ק אדמו"ר מקאסוב זצ"ל, פון וועמענס הסתלקות מען שטייט נאך אצינד אינעם שנת האבילות.
די מעמד קביעת מזוזה און מסיבת לחיים איז פארגעקומען אין די נייע לאקאל אויף די זעכצנטע עוועניו, אין שפיץ פון כ"ק אדמו"ר מקאסוב שליט"א, און הגה"צ ר' אהרן האגער שליט"א זון פונעם רבי'ן זצ"ל, וועלכער שטייט אין שפיץ פון די מכון, און באגלייט די עוסקים במלאכת הקודש מיט גרויס געטריישאפט. דער רבי שליט"א האט משמיע געווען דברות קודש, און אזוי אויך זיין ברודער הגה"צ ר' אהרן שליט"א, און דער רבי האט גאר ווארעם אנגעוואונטשן די עסקנים מיט הצלחה און סייעתא דשמיא.
