פארלאפענע וואך איז כ"ק אדמו"ר ממודזיץ שליט"א אנגעקומען צוגאסט קיין ניו יארק, אויף א באזוך פון עטליכע טעג בקרב חסידיו, מיטן ציהל אויפצוטרייבן פינאנציעלע שטיצע צו פארענדיגן די מאסיווע בוי פראיעקט ביים גרויסן בנין ביהמ"ד החדש דחסידי מודזיץ אין בני ברק.
די מודזיצער בית המדרש אויף רחוב חבקוק אין בני ברק ווערט געבויעט שוין עטליכע יאר לשם ולתפארת, און מען האט עס שוין אפילו באנייעט אויף א צייטווייליגע פארנעם, אין די צייט וואס די בוי ארבעט גייט ווייטער אן. אין א פרואוו צו פאראויסשטופן דעם פראיעקט צו קענען פארענדיגן דעם ביהמ"ד ווי אמשנעלסטן, איז דער מודזיצער רבי ארויסגעפארן קיין ניו יארק צו אויפטרייבן פרישע געלטער, און באזוכט בבתי נגידים ושועים ביי ספעציעלע מסיבות און באנקעטן.
שבת קודש פרשת תצוה האט דער רבי געוויילט אין טאמס ריווער אין ניו דזשערזי, און געפראוועט א פארמאכטע שבת מיט א געקליבענע צאל נגידים ותומכים.
