שמחת בית וויזניץ – קאלוב – חוסט – פאלטישאן: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון מאנסי, די כלה א טאכטער פון זיין זון הגה"צ ר' חיים מאיר האגער שליט"א, איידעם ביי כ"ק אדמו"ר מפאלטישאן בענסענהוירסט שליט"א, מיט די חתן א זון פון הגה"צ ר' אלעזר יונה גינזבערג שליט"א אבד"ק סוואליעווע, זון פון כ"ק אדמו"ר מחוסט שליט"א, און איידעם ביי כ"ק אדמו"ר מקאלוב שליט"א. – די שמחת החתונה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת החתונה פון א אייניקל ביי הגה"צ אבד"ק זענטא שליט"א, די כלה א טאכטער פון זיין זון הגה"צ ר' פייוויש טייטלבוים שליט"א, איידעם ביי הגה"צ ר' ירמי' טייטלבוים שליט"א, מיט די חתן א זון פון הגה"צ ר' חיים אליעזר אברהם רובין שליט"א, זון פון הגה"צ ר' מאיר יוסף רובין זצ"ל מקערעסטיר. – די שמחת החתונה קומט פאר אין קאנטינענטאל זאל אין וויליאמסבורג.
שמחת בית צאנז: היינט קומט פאר די שמחת השבע ברכות פון א אייניקל ביי כ"ק אדמו"ר מצאנז שליט"א, די כלה א טאכטער פון זיין זון הגה"צ רבי יוסף משה דוב האלבערשטאם שליט"א אבד"ק צאנז ארה"ב, איידעם ביי הגה"צ אבד"ק מאקאווא אלעד זצ"ל, מיט די חתן א זון פון הרב נפתלי גליק שליט"א פון לאנדאן, איידעם ביי הגה"צ ר' משה יהודה היילפערין שליט"א אבד"ק בית שמואל ראדאמישלא לאנדאן. – די שמחת השבע ברכות קומט פאר אינאיינעם מיטן מעמד בנין לדורות, יובל השישים צום גרינדונג פון די מוסדות הקדושים דחסידי צאנז אין בני ברק.
שמחת בית וויזניץ: היינט קומט פאר די שמחת השבע ברכות פונעם חתן א זון פון הגה"צ ר' אפרים אהרן טייטלבוים שליט"א ראה"כ מגדלות מרקחים צעהלים, זון פון הגה"צ אבד"ק נעפלעמיץ שליט"א, און איידעם ביי הגה"צ ר' לייבוש טויב זצ"ל מקאלוב, מיט די כלה א טאכטער פון זיין פלומעניק הגה"צ ר' חיים מאיר האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחת השבע ברכות קומט פאר אין ישיבה גדולה תורת מרדכי וויזניץ אין בלומינגראוו, קרית יואל.
שמחת בית באבוב 45: היינט קומט פאר די שמחת התנאים פון א אייניקל ביי כ"ק אדמו"ר מבאבוב 45 שליט"א, די כלה א טאכטער פון זיין עלטסטן איידעם הגה"צ ר' חיים ברוך האלבערשטאם שליט"א, זון פון הגה"צ אבד"ק בית אברהם פאקשעוויץ שליט"א, מיט די חתן א זון פון הגה"צ ר' נפתלי הירצקא בערגער שליט"א אב"ד ראצפערט, זון פון הגה"צ אבד"ק מישקאלץ ניו סיטי שליט"א, און איידעם ביי הגה"צ ר' מאיר זלמן שטעג שליט"א ראה"כ תולדות אהרן מאנסי. – די שמחה קומט פאר אין שטוב פונעם אבי הכלה הגה"צ ר' חיים ברוך שליט"א אין יוניאן ניו דזשערזי.
שמחת בית ספינקא – ראחמיסטריווקא: היינט קומט פאר די שמחת התנאים פונעם חתן א זון פון הגה"צ ר' יוחנן טווערסקי שליט"א, זון פון הגה"צ ר' מרדכי טווערסקי זצ"ל בנו הגדול פון כ"ק אדמו"ר מראחמיסטריווקא זצ"ל, און איידעם ביי הגה"צ ר' נחמן יוסף טווערסקי שליט"א פון ירושלים, מיט די כלה א טאכטער פון הגה"צ ר' יצחק טווערסקי שליט"א, זון פון הגה"צ ר' יענקעלע טווערסקי שליט"א מראחמיסטריווקא, און איידעם ביי כ"ק אדמו"ר מספינקא שליט"א פון בני ברק. – די שמחה קומט פאר אין ספינקא בית המדרש אויף רחוב דונולו אין בני ברק.
עס איז געשלאסן געווארן די שידוך פונעם חתן א זון פון הגה"צ ר' בנימין מאנדרער שליט"א, זון פון הגה"צ ר' פנחס יוסף מאנדרער שליט"א אדמו"ר מקאסוב ירושלים, און איידעם ביי כ"ק אדמו"ר מראזלא שליט"א פון ארץ ישראל, מיט די כלה א טאכטער פון הגה"צ ר' חיים מאיר שווימער שליט"א, זון פון הגה"צ ר' דוד שווימער שליט"א דומ"ץ וויזניץ בית שמש, און איידעם ביי הגה"צ ר' בערל בידערמאן זצ"ל מלעלוב ירושלים.
כ"ק אדמו"ר מוויזניץ שליט"א לאזט זיך היינט ארויס אויפן וועג קיין לאנדאן, צו באשיינען די מעמד חנוכת הבית און הכנסת ספר תורה פארן נייעם בנין ישיבת ישועות משה וויזניץ.
כ"ק אדמו"ר מצאנז זוועהיל שליט"א לאזט זיך היינט ארויס אויפן וועג קיין ארץ ישראל לקראת די שמחת החתונה פון א אייניקל וואס קומט פאר די קומענדיגע וואך.
כ"ק אדמו"ר מקאפיטשניץ שליט"א לאזט זיך היינט ארויס אויפן וועג קיין ניו יארק, לקראת די שמחת החתונה פון א אייניקל וואס קומט פאר דעם דינסטאג אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
