בשמחה וחדוה ווערט אצינד געשלאסן די פרייליכע שידוך בחצר הקודש בעלזא, די כלה יונגסטע טאכטער פון הגה"צ ר' אהרן מרדכי רוקח שליט"א, בנו יחידו פון כ"ק אדמו"ר מבעלזא שליט"א, און איידעם ביי כ"ק הגה"צ גאב"ד מאקאווא שליט"א.
די חתן הרב אלימלך פענסטער נ"י, איז פון די מצוינים אין די בעלזא ישיבה אין בני ברק, א זון פון הרה"ג ר' אהרן פענסטער שליט"א מגיד שיעור אין ישיבה גדולה בעלזא אין בני ברק, איין זיידע הרה"ג ר' ישראל פענסטער ז"ל איז געווען פון די געהויבענע משפיעים בחצר הקודש בעלזא, און לאנגיעריגער מרביץ תורה אין בעלזא ישיבה אין ירושלים.
דער אנדערער זיידע הרבני הנגיד בנש"ק ר' מנחם מענדיל פרענקל ז"ל איז געווען דער ערשטער בעל אכסניא פון הרה"ק מהר"א מבעלזא זי"ע אין ירושלים עיה"ק, למעלה בקודש ציהט די חתן א הערליכע יחוס צו קדושי עליון, דער הייליגער ראפשיצער רב זי"ע בעל זרע קודש, דער הייליגער צאנזער רב זי"ע בעל דברי חיים, און זיין זון דער הייליגער שינאווער רב זי"ע בעל דברי יחזקאל.
די שמחת הווארט און שידוך שליסן קומט פאר יעצט ביינאכט בביתו נאוה קודש פון כ"ק אדמו"ר מבעלזא שליט"א אין קרית בעלזא ירושלים.
