א שווערע אינצידענט האט זיך נארוואס אפגעשפילט אין בנין ביהמ"ד הגדול אין שיכון סקווירא, ווען א גרויסע טייל פון די דאך אינעם אלטן בית המדרש איז פלוצלינג איינגעפאלן, שאפנדיג א שווערע סצענע אויפן ארט און שרעק ביי די אנוועזנדע.
חברה הצלה איז שנעל אלארמירט געווארן אויפן סצענע, און בחסדי ה' איז באשטעטיגט געווארן אז קיינער איז נישט געשעדיגט געווארן אין די אינצידענט. די טייל פון די דאך וואס איז איינגעפאלן איז ביים דרום זייט פון די אלטע ביהמ"ד וואס ווערט גערופן חדר זילבערמאן, און דערווייל איז נישט קלאר וויאזוי דאס האט פאסירט.
