שמחת בית קאלוב – טענקא – קאסאן: היינט קומט פאר די שמחת החתונה פון א אייניקל ביי כ"ק אדמו"ר מקאלוב שליט"א, די חתן א זון פון זיין איידעם הגה"צ ר' שאול שמחה פריעדמאן שליט"א אב"ד שמן למנחה נאדיפאלי, זון פון הגה"צ גאב"ד טענקא שליט"א, מיט די כלה א טאכטער פון הגה"צ ר' משה שמואל ראטטענבערג שליט"א, זון פון כ"ק אדמו"ר מקאסאן שליט"א, און איידעם ביי הגה"צ ר' אשר ישעי' רובין שליט"א מטאמאשוב, איידעם ביי הגה"צ ר' ירמי' טייטלבוים שליט"א. – די שמחת החתונה קומט פאר אין זאל אור החיים וויזניץ אין בארא פארק.
שמחת בית פינסק קארלין – מישקאלץ: היינט קומט פאר די שמחת החתונה פון א אייניקל ביי כ"ק אדמו"ר מפינסק קארלין שליט"א, די חתן א זון פון זיין זון הגה"צ ר' חיים ישראל ראזענפעלד שליט"א, איידעם ביי הגה"צ ר' ירמי' ניישלאס שליט"א אבד"ק סערדאהעלי ב"ב, מיט די כלה א טאכטער פון הגה"צ ר' ישראל בערגער שליט"א, זון פון כ"ק אדמו"ר ממישקאלץ שליט"א פון ארה"ק, און איידעם ביי הגה"צ ר' יהודה יחיאל שיינפעלד שליט"א אדמו"ר מטאלטשאווא. – די מעמד קבלת פנים און חופה קומט פאר ביי ביהמ"ד הגדול פינסק קארלין אין ירושלים, און די סעודת החתונה אין זאל פון אור החיים.
היינט קומט פאר די שמחת החתונה פונעם חתן א זון פון הרב ישעי' גאנץ שליט"א, זון פון הגה"צ ר' אהרן גאנץ שליט"א אב"ד גרויסווארדיין מאנסי, און איידעם ביי כ"ק אדמו"ר מדזיקוב מעליץ שליט"א, מיט די כלה א טאכטער פון הגה"צ ר' דוד שלמה שטיין שליט"א ראש כולל ספינקא, זון פון הגה"צ גאב"ד פאלטישאן שליט"א, און איידעם ביי כ"ק אדמו"ר הרה"ק מספינקא זי"ע. – די שמחת החתונה קומט פאר אין ויואל משה זאל אין וויליאמסבורג.
כ"ק אדמו"ר מפאפא שליט"א וועלכער האט געוויילט אויף שבת אין שטאט פאפא אין אונגארן, לרגל די יומא דהילולא קדישא פון זקינו הגה"ק בעל ויגד יעקב מפאפא זי"ע, וועט היינט דורכ'ן טאג פוקד זיין די קברי צדיקים אין אונגארן, אין קאלוב ביים ציון הק' פון הרה"ק רבי אייזיק'ל קאלובער זי"ע, אין ליסקא ביים ציון הק' פון הרה"ק בעל אך פרי תבואה זי"ע, און אין חוסט ביים ציון הק' פון זקינו הגה"ק בעל ערוגת הבושם זי"ע.
היינט קומט פאר די מעמד כבוד התורה בחצר הקודש מאקאווא, פאר די אינגעלייט וואס האבן זיך פארהערט אין חבורת דביקות בתורה, די מעמד קומט פאר אין א גרויסע זאל אין שטאט צפת, אין שפיץ פון כ"ק גאב"ד מאקאווא שליט"א, וועלכער וועט פארטיילן תעודות און פרסים פאר די אינגעלייט.
היינט קומט פאר די מעמד הכנסת ספר תורה וואס ווערט אריינגעגעבן צום סאטמארער בית המדרש אין ירושלים עיה"ק, אין שפיץ פון הגה"צ ר' חיים צבי טייטלבוים שליט"א אב"ד סיגוט, בן כ"ק אדמו"ר מסאטמאר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
