היינט זונטאג איז כ"ק אדמו"ר מדושינסקיא שליט"א ערווארטעט צו מופיע זיין בשערי עיר הבירה לאנדאן, לפאר על ראש שמחתו צו באשיינען די שמחת החתונה פון א אייניקל, עלטסטע טאכטער ביי זיין זון הגה"צ ר' יואל יעקב דושינסקיא שליט"א רב חסידי דושינסקיא אין לאנדאן, איידעם ביי הגה"צ ר' שלום צבי ענגלענדער שליט"א רב ביהמ"ד דביר קדשו דחסידי מאחנובקא בעלזא אין לאנדאן, מיט די חתן א זון פון הגה"צ ר' חיים מיכאל ביבערפעלד שליט"א אבד"ק טשארטקוב לאנדאן.
די גרויסע חתונה קומט פאר דעם דינסטאג אין די גרויסע זאל פון מערידיען פלאזא אין לאנדאן, די מעמד קבלת פנים און חופה קומט פאר בבית מדרשו פונעם אבי החתן הגה"צ אבד"ק טשארטקוב שליט"א אין די טאטענהעם געגנט אין לאנדאן, און דערנאך וועלן א פלאטע באסעס פירן דעם ציבור צום שמחת החתונה אין מערידיען פלאזא.
מיטוואך נאכט ממחרת החתונה וועט פארקומען די צענטראלע שבע ברכות פאר אלע תלמידי וחסידי דושינסקיא אין אייראפע, און שבת קודש שבת שבע ברכות וועט דער רבי פראווענען אויף א געהויבענע פארנעם בקרב חסידיו אין לאנדאן, די תפילות און טישן וועלן פארקומען אין די גרויסע זאל פון יסודי התורה.
נעכטן מוצאי שבת קודש איז פארגעקומען א גרויסע שמחת הפארשפיל און מעמד צאתכם לשלום, אין ביהמ"ד הגדול בית יוסף צבי דושינסקיא אין ירושלים עיה"ק, וואו די חסידים האבן זיך געזעגנט פונעם רבי'ן און זיך געוואונטשן לכבוד די גרויסע שמחה.
