שמחת בית צאנז זוועהיל – אנטוניא – נדבורנא חיפה: היינט קומט פאר די שמחת החתונה פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הגה"צ ר' יעקב בערגער שליט"א מו"ץ אין קרית צאנז נתני', מיט די כלה א טאכטער פון הגה"צ ר' יצחק נח האגער שליט"א, זון פון כ"ק אדמו"ר מאנטוניא שליט"א, און איידעם ביי כ"ק אדמו"ר מנדבורנא חיפה שליט"א. – די שמחת החתונה קומט פאר אינעם גרויסן זאל היכל ראזענבערג אין קרית צאנז נתני'.
היינט קומט פאר די שמחת החתונה פונעם חתן א זון פון הגה"צ ר' אהרן קאפף שליט"א ראש ישיבת נועם התורה, זון פון כ"ק אדמו"ר מלעלוב בראנוביץ זצ"ל, און איידעם ביי הגה"צ ר' יעקב אלי' האראנטשיק שליט"א אדמו"ר מלעלוב הר יונה, מיט די כלה א טאכטער פון הגה"צ ר' אברהם מתתיהו לעמבערגער שליט"א אבד"ק מאקאווא אלעד, איידעם ביי הגה"צ ר' סיני האלבערשטאם שליט"א גאב"ד צאנז שיכון ג'. – די שמחת החתונה קומט פאר אין זאל היכלי מלכות אין בני ברק.
שמחת בית וויזניץ – טשערנאוויץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין זון הגה"צ ר' יעקב יוסף האגער שליט"א, איידעם ביי כ"ק אדמו"ר מטשערנאוויץ שליט"א, מיט די כלה א טאכטער פון הגה"צ ר' לוי יצחק האניג שליט"א, זון פון הגה"צ ר' יעקב האניג שליט"א, און איידעם ביי הגה"צ ר' שלמה פנחס מאלוויצקי שליט"א אבד"ק סלאנים מאנסי.
שמחת בית ספינקא – מעליץ – יאמפאלא – ביקסאד: היינט קומט פאר די שמחת התנאים פון א אייניקל ביי כ"ק אדמו"ר מתולדות צבי ספינקא שליט"א, די חתן א זון פון זיין איידעם הגה"צ ר' אלכסנדר מאסקאוויטש שליט"א, זון פון כ"ק אדמו"ר מיאמפאלא שליט"א, זון פון כ"ק אדמו"ר ממעליץ שליט"א פון אשדוד, און איידעם ביי הגה"צ אבד"ק חוליוב שליט"א, מיט די כלה א טאכטער פון הגה"צ ר' מאיר טייטלבוים שליט"א, זון פון הגה"צ אבד"ק נעפלעמיץ שליט"א, און איידעם ביי כ"ק אדמו"ר מביקסאד שליט"א. – די שמחה קומט פאר אין זאל פון בנות ישראל וויזניץ אויף 229 מעיפל אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר ממודזיץ שליט"א, א זון פון זיין איידעם הגה"צ ר' יוסף שיף שליט"א, זון פון כ"ק אדמו"ר מליזענסק ירושלים זצ"ל. – די שמחה קומט פאר אין ביהמ"ד הגדול מודזיץ אין בני ברק.
היינט נאכט ט"ו תמוז געפאלט די יומא דהילולא קדישא פונעם הייליגן אור החיים הק' זי"ע, פילע אידן וועלן פוקד זיין דעם ציון הק' אויפן הר הזיתים להיפקד בדבר ישועה ורחמים.
אין פילע בתי מדרשים און חצרות הקודש וועלן געפראוועט ווערן יארצייט סעודות ברוב עם.
כ"ק אדמו"ר מנדבורנא ביתר שליט"א וועט אפרעכטן די יארצייט טיש בבית מדרשו אין ביתר, אינאיינעם מיט א מעמד התחזקות פאר קביעת עתים לתורה.
היינט נאכט ט"ו תמוז געפאלט די יומא דהילולא קדישא פון כ"ק אדמו"ר הרה"ק רבי דוד משה מקרעטשניף זצ"ל, די קינדער און אייניקלעך האדמורי"ם שליט"א לבית קרעטשניף וועלן אפרעכטן די יארצייט טישן און פוקד זיין דעם ציון הק' אויפן הר הזיתים.
כ"ק אדמו"ר מוויזניץ שליט"א פון לאנדאן וועלכער האט זיך אויפגעהאלטן די לעצטע וואך צייט אין ניו יארק, קערט זיך היינט צוריק למעון קדשו אין לאנדאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
