א פייער האט אויסגעבראכן היינט צופרי אין בנין ביהמ"ד הגדול נדבורנא אין בני ברק, לויט די ערשטע באריכטן האט זיך די פייער אנגעהויבן ביי א געז טאנק נעבן די געביידע, און עס האט פארשפרייט א שרעקליכע געדעכטע רויעך אריין אין די אונטערשטע שטאק פונעם בנין.
די רויעך האט געברענגט שווערע שאדן פאר די אונטערשטע שטאק פונעם בנין אויף רחוב עזרא, וואו עס איז סטאנציאנירט די תלמוד תורה און ישיבה דחסידי נדבורנא. אלע קינדער און בחורים זענען באצייטנס ארויסגעלאפן פונעם בנין, און איין קינד האט געדארפט צוקומען צו לייכטע באהאנדלונגען נאכן אריינאטעמען צופיל רויעך.
פייערלעשער האבן באוויזן צו לעשן די פייער און עס ברענגען אונטער קאנטראל, און נאך עטליכע שעה איז די בנין געווארן צוריק געעפנט צו ממשיך זיין די סדרי הלימודים בין כותלי המוסדות.
