א גאר התרגשות'דיגע מעמד איז פארגעקומען היינט נאכמיטאג בחצר הקודש גור, ווען די טויזענטער תלמידי הישיבות האבן זיך צוזאמגענומען אין א גרויסע זאל אין ערד, וואו כ"ק אדמו"ר מגור שליט"א וויילט אצינד אויף אפרוה, אויף א פארהער אין ראם פון "תלמודו בידו".
די מעמד "מזומנים בידו" איז באשיינט געווארן דורך כ"ק אדמו"ר מגור שליט"א, וועלכער איז געזעסן דריי שעה נאכאנאנד ביי די מעמד, און געשעפט גרויס קורת רוח, אזש עס איז ממש גערינען טרערן פון רבינ'ס אויגן. צוערשט האט מען געדאווענט מנחה, און דערנאך האט הגה"צ ר' שמואל אליעזר שטערן שליט"א גאב"ד מערב ב"ב פארהערט די תלמידים, און אויפגעטרעטן מיט קורצע ווערטער.
דערנאך האט אויפגעטרעטן דעם רבינ'ס זון הגה"צ ר' נחמי' אלתר שליט"א, און דערנאך איז פארגעקומען א צווייטע פארהער דורך הגאון רבי יהודה דרעי שליט"א. דאן איז פארגעקומען א סיום הש"ס לרגל די יארצייט פון הנדיב הנכבד ר' צבי שמידט ז"ל, און זיין ברודער הר"ר דוד שמידט הי"ו האט געזאגט קדיש.
דערנאך האט כ"ק אדמו"ר מגור שליט"א געוואונטשן דעם ציבור ברכות לרוב, ויענו כל העם יחדיו אמן ואמן.
