כ"ק אדמו"ר מגור שליט"א וועלכער האלט זיך אויף אין די יעצטיגע וואכן אויף אפרוה אין מושב אורה נעבן ירושלים, איז דעם שבת קודש אומגעפאלן אין שטוב, פאראורזאכנדיג שווערע יסורים וואס האט ערנסט אפגעשוואכט דעם רבי'ן ל"ע.
דער רבי שליט"א איז נישט אריינגעקומען אויף תפילת מנחה און מעריב און שלש סעודות אינאיינעם מיטן אנוועזנדן ציבור, און מוצאי שבת האט מען גערופן א דאקטער נאך וואס עס איז אנטשטאנען א פארדאכט אז דער רבי ליידט פון א צובראכענע ביין. לויט ווי די רעזולטאטן צייגן האט זיך צובראכן א ביין ביים רבי'ן וואס טוט שטארק צוברענגען יסורים, און עס איז מעגליך אז דער רבי וועט דארפן באהאנדלט ווערן אין שפיטאל.
אין לויף פון די קומענדיגע טעג וועט דער רבי נישט דאווענען די תפילות אינאיינעם מיטן ציבור, און מען האפט אז דער רבי זאל וואס שנעלער צוריקקומען צו די כוחות בעז"ה.
