נאך וואס כ"ק אדמו"ר מגור שליט"א איז נעכטן שפיטאליזירט געווארן צוליב א שווערע לונגען אנטצינדונג, איז דער רבי ב"ה באפרייט געווארן פון שפיטאל היינט פארטאגס, אין די צייט וואס דער רבי שליט"א ווערט ווייטער באהאנדלט אינדערהיים מיט גרויס געטריישאפט, דורך הויכראנגיגע פראפעסארן און געהילפן.
ווי באקאנט איז דער רבי שליט"א אומגעפאלן מיט דריי וואכן צוריק, זייענדיג אויף שבת אין מושב אורה נעבן ירושלים, דער רבי האט זיך דאן צובראכן די אקסל ביין, און האט ליידער צוגעברענגט נאך פארשידענע קאמפליקאציעס.
נעכטן זונטאג איז דער רבי אריינגעפארן צו די הדסה שפיטאל אויף אונטערזוכונגען, און איז פארבליבן איבער נאכט אין שפיטאל אויפן ראט פון די דאקטוירים, אצינד ווערנדיג באהאנדלט אינדערהיים האפט מען אז מיט די נויטיגע באהאנדלונגען וועט דער רבי שליט"א בעז"ה צוריקקומען צו די כוחות לאיתנו הראשון.
אידישע קינדער זענען ווייטער מתפלל פארן רבינ'ס געזונט, כ"ק מרן יעקב ארי' בן יוטא הענא בתוך שאר חולי ישראל.
