היינט נאכט קומט פאר א גרויסע רעבישע חתונה בחצרות וויזניץ און סקווירא, ווען אין די וויזניצע הויף אין מאנסי טראגט די שמחה א שטארקע באדייט זייענדיג די שמחת החתונה פונעם ערשטן אור אייניקל ביי כ"ק אדמו"ר מוויזניץ שליט"א פון מאנסי, די חתונה קומט פאר היינט אויפדערנאכט אין ביהמ"ד הגדול וויזניץ אין מאנסי, מיט די באטייליגונג פון טויזענטער חסידים פון ביידע הויפן.
די חתן איז א זון פון הגה"צ ר' זלמן לייב הורוויץ שליט"א דיין אין מכון להוראה, זון פון הגה"צ אבד"ק זאליזשא שליט"א, און איידעם ביי הגה"צ אבד"ק בערמעהט שליט"א, און די כלה איז א טאכטער פון הגה"צ ר' חיים מאיר האגער שליט"א רב ביהמ"ד אור מרדכי וויזניץ אין מאנסי, זון פון הגה"צ ר' יעקב יוסף האגער שליט"א, בנו הגדול פון כ"ק אדמו"ר מוויזניץ שליט"א פון מאנסי, און איידעם ביי כ"ק אדמו"ר מסקווירא שליט"א, דער אבי הכלה איז אן איידעם ביי הגה"צ ר' ישראל אברהם אלטר טויב שליט"א אבד"ק תולדות נפתלי קאלוב ב"פ.
פארלאפענעם מוצאי שבת קודש ביים נעילת החג איז פארגעקומען די פרייליכע שמחת הפארשפיל בחצר הקודש וויזניץ, און אצינד ווערט פארענדיגט די לעצטע צוגרייטונגען צום גרויסן שמחת החתונה, סיי אינעם היכל ביהמ"ד הגדול לבוש מרדכי וואו עס איז געווארן אויפגעשטעלט הויכשטאקיגע פארענטשעס און א הערליכע בימת הכבוד, און סיי ביי די פארקינג לאט פון ת"ת וויזניץ בנין ווילחאוויץ, וואו עס וועט פארקומען די מעמד החופה.
