פארלאפענע וואך פרשת ויצא איז כ"ק אדמו"ר מסקאליע שליט"א ארויסגעפארן אויף א געהויבענער נסיעה קיין לאנדאן, ענגלאנד, לרגל די שמחת החתונה בחצר הקודש סקאליע, דער חתן א זון פונעם רבינ'ס ברודער הגה"צ ר' דוב בעריש ראבינאוויטץ שליט"א, איידעם ביי הרב החסיד המפורסם ר' ישעי' וואלף לעוו ז"ל ראה"ק סאטמאר לאנדאן, מיט דער כלה א טאכטער פון הרב ישראל סאפרין שליט"א פון לאנדאן, א זון פון הגה"צ ר' אברהם מרדכי סאפרין שליט"א אדמו"ר מקאמארנא פון ב"פ, און איידעם ביי הגה"צ ר' יעקב מאיר ראזענבוים שליט"א ראש ישיבת גור אין לאנדאן.
פארלאפענעם שבת קודש פרשת חיי שרה איז געפראוועט געווארן די שמחת האויפרוף אין סקאליע בית המדרש אין בארא פארק, און זונטאג ויצא האט זיך דער רבי שליט"א ארויסגעלאזט אין וועג קיין לאנדאן, וואו דער רבי האט זיך אויפגעהאלטן פאר דריי טעג, איידער ער האט זיך אומגעקערט אהיים למעון קדשו אין בארא פארק, פאר שבת קודש פרשת ויצא.
די שמחת החתונה איז געפראוועט געווארן דינסטאג ויצא אין די פראכטפולע זאלן פון מערידיען גרענד, וואו עס האט זיך באטייליגט א גרויסער ציבור חסידי ומעריצי בית סקאליע פון אומעטום.
