שטייענדיג עטליכע וואכן נאך די שרעקליכע פייער וואס האט אנגעברענגט גאר שווערע שאדן פאר די בנין ביהמ"ד דקהל עדת ישראל אין מעלבארן אסטראליע, איז נעכטן דינסטאג פארגעקומען די מעמד קביעת מזוזה פאר די נייע צייטווייליגע בית המדרש פון די קהילה, אין שפיץ פונעם רב הגה"צ ר' שלמה קאהן שליט"א.
ווי באקאנט איז די פייער ביי די שוהל געווארן אונטערגעצינדן אין א דירעקטע ארסאן אטאקע, און דער לאקאלער פרעמיער מיניסטער האט צוגעזאגט ארויסצוהעלפן מיט די איבערבוי פון די בית המדרש, וואו מען האט טאקע אונטערגענומען א בוי פראיעקט צוריקצושטעלן די שוהל על מכונו.
אויף ביז די בית המדרש וועט זיין צוריק אין באנוץ, האבן די חברי הקהילה באנייעט אצינד א צייטווייליגע בית המדרש וואו צו דאווענען און לערנען, און נעכטן איז פארגעקומען די מעמד קביעת מזוזה מיט די באטייליגונג פון די חברי הקהילה.
