שמחת בית סקווירא – וויזניץ – קאלוב: היינט קומט פאר די שמחת האירוסין פון א אייניקל ביי כ"ק אדמו"ר מסקווירא שליט"א, די כלה יונגסטע קינד פון בנו הגדול הגה"צ ר' אהרן מענדיל טווערסקי שליט"א, איידעם ביי כ"ק אדמו"ר הרה"ק בעל תורת מרדכי מוויזניץ זצ"ל, מיט די חתן א זון פון הגה"צ ר' חיים מאיר שטערנבוך שליט"א, זון פון הגה"צ ר' ברוך שטערנבוך שליט"א אב"ד וויזניץ בראכפעלד, איידעם ביי הגה"צ ר' מנחם ארנסטר שליט"א ראש ישיבת וויזניץ, און איידעם ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א. - די שמחה קומט פאר אין ביהמ"ד הגדול אין שיכון סקווירא.
שמחת בית דאראג: היינט קומט פאר די שמחת החתונה פון א אייניקל ביי כ"ק אדמו"ר מדאראג שליט"א, די חתן א זון פון בנו הגדול הגה"צ ר' אשר ראזענפעלד שליט"א, איידעם ביי כ"ק אדמו"ר מלעלוב קארלין זצ"ל, מיט די כלה א טאכטער פון הגה"צ ר' יוסף ארנסטר שליט"א, זון פון הגה"צ ר' וועלוויל ארנסטר שליט"א אבד"ק מאור חיים ירושלים, און איידעם ביי הגה"צ ר' יחיאל מיכל שעדראוויצקי שליט"א מטורקא סטרעטין. – די שמחת החתונה קומט פאר אין ביהמ"ד הגדול דאראג אין בני ברק.
שמחת בית טשערנאביל – קאסאן – ראפשיץ: היינט קומט פאר די שמחת התנאים פון א אייניקל ביי כ"ק אדמו"ר מטשערנאביל שליט"א, די חתן א זון פון זיין יונגסטן זון הגה"צ ר' משולם זושא טווערסקי שליט"א, איידעם ביי הגה"צ ר' אייזיק שנעעבאלג שליט"א אבד"ק מיקאלייעוו, מיט די כלה א טאכטער פון הגה"צ ר' פנחס שלום ראטטענבערג שליט"א, זון פון כ"ק אדמו"ר מקאסאן הילקרעסט שליט"א, און איידעם ביי כ"ק אדמו"ר מראפשיץ שליט"א. – די שמחה קומט פאר אין זאל פרדס נח בעלזא אין בארא פארק.
שמחת בית טעמעשוואר – משכנות הרועים: היינט קומט פאר די שמחת התנאים פון א אייניקל ביי כ"ק אדמו"ר מטעמעשוואר שליט"א, די חתן א זון פון זיין זון הגה"צ ר' שלום לייפער שליט"א אב"ד דינוב בית שמש, איידעם ביי הגה"צ אבד"ק לאנצוהט בית שמש שליט"א, איידעם ביי כ"ק אדמו"ר ממשכנות הרועים שליט"א, מיט די כלה א טאכטער פון הרב יהודה לייב שווארץ שליט"א, איידעם ביי הגה"צ ר' אברהם יצחק אולמאן שליט"א חבר ביד"ץ העדה החרדית. – די שמחה קומט פאר אין זאל פון ישיבת רמ"א אויף רחוב כי טוב אין ירושלים עיה"ק.
שמחת בית סאדיגורא: היינט קומט פאר די שמחת הקריאת שמע ליינען און וואכנאכט לבן הנולד ביי כ"ק אדמו"ר מסאדיגורא שליט"א, איידעם ביי הגה"צ ר' אשר חיים שטערנבוך שליט"א אב"ד אהל יעקב ודומ"ץ מחזיקי הדת אנטווערפן. – די שמחה קומט פאר אין ביהמ"ד הגדול סאדיגורא אין בני ברק.
היינט י"ג אב געפאלט די יומא דהילולא קדישא פון כ"ק אדמו"ר הגה"ק בעל ויחי יוסף מפאפא זצ"ל, בנו ממלא מקומו כ"ק אדמו"ר מפאפא שליט"א וועט פוקד זיין דעם ציון הק' אין די מיטאג שעות בראש קהל חסידיו אויפן בית החיים אין קרית פאפא וועסטשעסטער, און שפעטער פארנאכטס אפרעכטן די יארצייט טיש און סיום הש"ס אין ביהמ"ד הגדול עץ חיים אין קרית פאפא.
היינט נאכט י"ד אב געפאלט די יומא דהילולא קדישא פון הגה"ק בעל אך פרי תבואה מליסקא זי"ע, נכדו כ"ק אדמו"ר מליסקא שליט"א וועט אפרעכטן די יארצייט טיש אינעם צייטווייליגן ליסקא ביהמ"ד אויף די פופציגסטע סטריט אין בארא פארק.
היינט קומט פאר די מעמד יומא טבא לרבנן בחצר הקודש סאטמאר, סיום סדר קדשים במסגרת זכרו דחסידי סאטמאר, עס קומט פאר אין זאל עטרת מלכה אין קרית יואל, אין שפיץ פון כ"ק אדמו"ר מסאטמאר שליט"א.
כ"ק אדמו"ר מערלוי שליט"א איז אנגעקומען קיין פוילין, וואו דער רבי שליט"א וועט זיך אויפהאלטן די קומענדיגע וואכן אינעם שטעטל זקופנה אויף אפרוה.
כ"ק אדמו"ר מאונגוואר שליט"א וועלכער האט זיך אויפגעהאלטן די לעצטע פאר וואכן אין ארץ ישראל בקרב חסידיו, קערט זיך היינט צוריק למעון קדשו אין בארא פארק.
הגה"צ אבד"ק סיגעט שליט"א בן כ"ק אדמו"ר מסאטמאר שליט"א פארט היינט ארויס אויף א נסיעה צו די מקומות הקדושים אין אייראפע, אינאיינעם מיט די תלמידים פון מתיבתא תורה ויראה ד'סאטמאר אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
