שמחת בית ראחמיסטריווקא - נייטרא – בארניב: היינט קומט פאר די שמחת החתונה פון א אייניקל ביי כ"ק אדמו"ר מנייטרא שליט"א, די חתן א זון פון זיין איידעם הגה"צ ר' חיים מאיר ארנסטר שליט"א, זון פון הגה"צ ר' ישראל ארנסטר שליט"א, מיט די כלה א טאכטער פון הגה"צ ר' דוד טווערסקי שליט"א, זון פון כ"ק אדמו"ר מראחמיסטריווקא לעיקוואד שליט"א, און איידעם ביי כ"ק אדמו"ר מבארניב שליט"א. – די שמחת החתונה קומט פאר אין ביהמ"ד הגדול ראחמיסטריווקא אין בארא פארק.
שמחת בית סערדאהעלי – תולדות יהודה סטוטשין: היינט קומט פאר די שמחת החתונה פונעם חתן א זון פון הגה"צ ר' חיים אליעזר זילבער שליט"א, זון פון כ"ק אדמו"ר מתולדות יהודה סטוטשין שליט"א, און איידעם ביי הגה"צ ר' חיים אלעזר מאנדלאוויטש שליט"א חבר ביד"ץ טארטיקוב, איידעם ביי כ"ק אדמו"ר מסערדאהעלי שליט"א, מיט די כלה א טאכטער פון הרב משה דוד אונסדארפער שליט"א, זון פון הגה"צ ר' ישראל אונסדארפער שליט"א מרבני צאנז קלויזענבורג, און איידעם ביי הגה"צ אבד"ק לימינוב שליט"א. – די שמחת החתונה קומט פאר אין קאנטינענטאל זאל אין וויליאמסבורג.
היינט קומט פאר די שמחת החתונה פון א אייניקל ביי כ"ק אדמו"ר מקאסאן שליט"א, די כלה א טאכטער פון זיין זון הגה"צ ר' אברהם ברוך ראטטענבערג שליט"א, איידעם ביי הגה"צ אבד"ק חאליוב שליט"א, מיט די חתן א זון פון הרב חיים הערש פריינד שליט"א, איידעם ביי הרב יעקב יוסף טייטלבוים שליט"א, זון פון הגה"צ אב"ד קאבא זצ"ל. – די שמחת החתונה קומט פאר אין זאל עטרת טשארנא אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מלעלוב שליט"א פון בארא פארק, א זון פון זיין זון הרב דוד שלמה בידערמאן שליט"א, איידעם ביי הגה"צ ר' יצחק צבי סופר שליט"א מרבני ראחמיסטריווקא, זון פון הגה"צ ר' יעקב יחזקי' סופר שליט"א גאב"ד קהל יראים טאראנטא, און איידעם ביי הרה"ג ר' חיים ארי' געללער שליט"א. – די שמחה קומט פאר אין זאל בית אסתר אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מפארשעי שליט"א, א זון פון זיין איידעם הגה"צ ר' אשר ישעי' רובין שליט"א, זון פון כ"ק אדמו"ר מבריזדוביץ שליט"א, איידעם ביי כ"ק אדמו"ר מסטריזוב שליט"א. – די שמחה קומט פאר אין ביהמ"ד נצח ישראל פארשעי אין מאנסי.
כ"ק אדמו"ר מבאבוב שליט"א קומט היינט אן אויף א באזוך בקרב חסידי באבוב אין לעיקוואד, צו באשיינען די מעמד הכנסת ספר תורה וואס ווערט אריינגעגעבן דורך הנגיד החסיד ר' ישראל בלוי הי"ו, צום ביהמ"ד דחסידי באבוב אין שטאט. נאכן מעמד וועט דער רבי שליט"א משמיע זיין דברי חיזוק והדרכה פאר כלל חסידי באבוב תושבי העיר.
כ"ק אדמו"ר מתולדות אהרן שליט"א וועלכער איז צוגאסט די טעג אין ניו יארק לרגל די שמחת החתונה פון א אייניקל, וועט היינט אנקומען קיין בארא פארק פאר די קומענדיגע פאר טעג, און באשיינען א רייע מסיבות און באנקעטן לטובת מוסדותיו הקדושים.
כ"ק אדמו"ר מקארלין סטאלין שליט"א וועלכער האט געוויילט די לעצטע פאר טעג אין ניו יארק לרגל די מעמד הנחת אבן הפינה פאר די נייע ביהמ"ד דחסידי קארלין סטאלין אין בארא פארק, קערט זיך היינט צוריק למעון קדשו אין גבעת זאב.
כ"ק אדמו"ר מזוועהיל שליט"א וועלכער האט געוויילט אויף שבת אין שטאט קערעסטיר אין אונגארן אינאיינעם מיט די נגידים תומכי המוסדות, קערט זיך היינט צוריק למעון קדשו אין שטאט ביתר.
כ"ק אדמו"ר מקוידינוב שליט"א פארט היינט ארויס קיין פראנקרייך, וואו דער רבי וועט וויילן די קומענדיגע צוויי וואכן לטובת מוסדותיו הקדושים.
כ"ק אדמו"ר מוויזניץ שליט"א פון מאנסי וועט היינט נאכמיטאג אפרעכטן שולחנו הטהור לכבוד ראש חודש, אינאיינעם מיט די ארומע סעודה לקראת די שמחת החתונה פון א אייניקל וואס קומט פאר דעם דינסטאג, עס קומט פאר אין היכל ישיבה גדולה אמרי חיים וויזניץ אין נייעק.
היינט קומט פאר די יערליכע כינוס ועידת השלוחים פאר די טויזענטער שלוחי חב"ד איבער דער גארער וועלט, עס קומט פאר אין א גיגאנטישע זאל אין קראון הייטס בשבת אחים גם יחד.
היינט קומט פאר אין מאנסי א מעמד לטובת די קרן הבנין פון תלמוד תורה דרכי אבות דחסידי צאנז, עס קומט פאר אין די ראוז באלרום בבנין התלמוד תורה, אין שפיץ פון הגה"צ אבד"ק צאנז ארה"ב שליט"א וועלכער איז צוגאסט די טעג בקרב בני קהילתו אין ניו יארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
