שמחת בית מאחנובקא בעלזא – שידלובצא – יעריסלאוו: דעם שבת קומט פאר די שמחת השבע ברכות פון א אייניקל ביי כ"ק אדמו"ר ממאחנובקא בעלזא שליט"א, די כלה א טאכטער פון זיין זון הגה"צ ר' יחיאל מיכל רוקח שליט"א, איידעם ביי כ"ק אדמו"ר מיעריסלאוו שליט"א, מיט די חתן א זון פון הגה"צ ר' שמעון שמואל קארנרייך שליט"א, זון פון כ"ק אדמו"ר משידלובצא שליט"א, און איידעם ביי הגה"צ אבד"ק ערלוי ב"ב שליט"א. – די שמחת השבע ברכות קומט פאר אין ביהמ"ד הגדול מאחנובקא בעלזא אין בני ברק.
שמחת בית פאלטישאן – קאסאן – דעעש: דעם שבת קומט פאר די שמחת השבע ברכות פון די כלה א טאכטער פון כ"ק אדמו"ר מפאלטישאן שליט"א, מיט די חתן א זון פון הגה"צ ר' אברהם פאנעט שליט"א, זון פון כ"ק אדמו"ר מדעעש קרית יואל שליט"א, אייניקל פון כ"ק אדמו"ר מקאסאן שליט"א. – די שמחת השבע ברכות קומט פאר אין ביהמ"ד פאלטישאן אין בארא פארק.
שמחת בית אנטוניא – קאזשניץ – וואסלוי: עס איז געשלאסן געווארן די שידוך פון א אייניקל ביי כ"ק אדמו"ר מאנטוניא שליט"א, די חתן א זון פון זיין זון הגה"צ ר' חיים האגער שליט"א, איידעם ביי כ"ק אדמו"ר מקאזשניץ שליט"א פון תל אביב, מיט די כלה א טאכטער פון הגה"צ ר' ראובן היילפערין שליט"א אבד"ק זכרון משה ציריך שווייץ, זון פון כ"ק אדמו"ר מוואסלוי שליט"א, און איידעם ביי הגה"צ ר' אברהם אביש ווייס זצ"ל מספינקא.
עס איז געשלאסן געווארן די שידוך פונעם חתן א זון פון הגה"צ ר' נפתלי צבי הורוויץ שליט"א, זון פון הגה"צ ר' אלטר אליעזר הורוויץ שליט"א אבד"ק אגודת ישראל ב"פ, און איידעם ביי הגה"צ ר' חיים פייוויל שנעעבאלג שליט"א אבד"ק קהל אברכים מאנסי, מיט די כלה א טאכטער פון הגה"צ ר' שלום הורוויץ שליט"א, זון פון הגה"צ ר' יעקב שרגא הורוויץ שליט"א אבד"ק זרע קודש וראש ישיבת בית מאיר, און איידעם ביי הגה"צ ר' אברהם חיים שטיינווארצל שליט"א אבד"ק מטה אפרים וראש ישיבת שערי יושר.
דעם שבת קומט פאר די שמחת השלום זכר פון א אייניקל ביי כ"ק אדמו"ר מבית יצחק ספינקא שליט"א, בן הנולד ביי זיין זון הגה"צ ר' יוסף נחמן הורוויץ שליט"א, אייניקל פון כ"ק אדמו"ר מקרעטשניף שליט"א. – די שמחה קומט פאר אין ביהמ"ד הגדול אין שיכון סקווירא.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מדעעש שליט"א, א טאכטער פון זיין איידעם הגה"צ ר' שלום מאסקאוויטש שליט"א, זון פון כ"ק אדמו"ר ממעליץ שליט"א פון אשדוד. – די שמחה קומט פאר אין די היסטארישע שוהל אין שטאט דעעש אין ראמעניע.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מנדבורנא אלעד שליט"א, איידעם ביי כ"ק אדמו"ר מחוסט שליט"א פון וומס"ב, א טאכטער פון זיין זון הרב חיים מרדכי ראזענבוים שליט"א, איידעם ביי הגה"צ ר' יוסף קאפף שליט"א מלעלוב בראנוביץ. – די שמחה קומט פאר אין נדבורנא ביהמ"ד אין אלעד.
כ"ק אדמו"ר מוויען שליט"א איז צוגאסט אויף דעם שבת אין ירושלים עיה"ק בקרב חסידיו, די תפילות און טישן קומען פאר אין זאל אור החיים אויף רחוב יואל.
כ"ק אדמו"ר מבית יצחק ספינקא שליט"א איז צוגאסט אויף דעם שבת אין שיכון סקווירא, מיטצוהאלטן דעם שבת בצל הקודש פון כ"ק אדמו"ר מסקווירא שליט"א, די אכסניא איז אין שטוב פון הרב אלעזר יונה זילבערמאן שליט"א.
כ"ק אדמו"ר מוויזניץ שליט"א פון ירושלים וועלכער איז צוגאסט די טעג אין ארץ ישראל לכבוד יו"ט חנוכה, וועט פראווענען דעם שבת בבית מדרשו אויף רחוב אדוניהו אין ירושלים.
כ"ק אדמו"ר מוויזניץ שליט"א פון לאנדאן איז צוגאסט אויף דעם שבת אין אנטווערפן בקרב חסידיו, די תפילות און טישן קומען פאר אין זאל בית רחל.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין בני ברק בקרב חסידיו, די תפילות און טישן קומען פאר בבית מדרשו קהל אהבת שלום וויזניץ אויף רחוב מלצר.
כ"ק אדמו"ר מדעעש שליט"א איז צוגאסט אויף דעם שבת אין שטאט דעעש אין ראמעניע, לרגל די חנוכת הבית פון די נייע בנין הכנסת אורחים אין שטאט דעעש, צום הילולא קדישא פון צדיקי בית דעעש זי"ע, די תפילות און טישן קומען פאר אינעם היסטארישן שוהל אין דעעש.
כ"ק אדמו"ר מזוטשקא שליט"א איז צוגאסט אויף דעם שבת אין מאנסי, לרגל די שמחת השבע ברכות בבית אחיו כ"ק אדמו"ר מזוטשקא מאנסי שליט"א, אין ביהמ"ד באר משה פרעמישלאן.
כ"ק אדמו"ר מטשארנאביל שליט"א איז צוגאסט אויף דעם שבת אין פראנקרייך לטובת מוסדותיו הקדושים.
כ"ק אדמו"ר מקרעטשניף סיגעט שליט"א איז צוגאסט אויף דעם שבת אין בית שמש בקרב חסידיו, די תפילות און טישן קומען פאר בבית מדרשו.
כ"ק אדמו"ר מסטריקוב ירושלים שליט"א איז צוגאסט אויף דעם שבת אין בני ברק בקרב חסידיו, לרגל די שמחת הקידושא רבא פון א אייניקל, א טאכטער פון זיין איידעם הרב מרדכי שמריהו רובין שליט"א, זון פון הגה"צ אבד"ק טאמאשוב ב"ב שליט"א, די תפילות און טישן קומען פאר בבית מדרשו אין בני ברק.
כ"ק אדמו"ר מנדבורנא ביתר שליט"א איז צוגאסט אויף דעם שבת אין מושב אור הגנוז נעבן מירון, אויף א שבת התאחדות מיט כלל חסידיו.
כ"ק אדמו"ר מבאסטאן שליט"א וועלכער איז צוגאסט די טעג אין ארץ ישראל, וועט פראווענען דעם שבת בקרב חסידיו אין הר יונה.
הגה"צ ר' חיים הערש טייטלבוים שליט"א אבד"ק סאטמאר ירושלים איז צוגאסט אויף דעם שבת בקרב בני קהילתו אין ירושלים עיה"ק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
