שמחת בית וויזניץ – קאלוב – חוסט – פאלטישאן: דעם שבת קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א פון מאנסי, די כלה א טאכטער פון זיין זון הגה"צ ר' חיים מאיר האגער שליט"א, איידעם ביי כ"ק אדמו"ר מפאלטישאן בענסענהוירסט שליט"א, מיט די חתן א זון פון הגה"צ ר' אלעזר יונה גינזבערג שליט"א אבד"ק סוואליעווע, זון פון כ"ק אדמו"ר מחוסט שליט"א, און איידעם ביי כ"ק אדמו"ר מקאלוב שליט"א. – די שמחת השבע ברכות קומט פאר אין ביהמ"ד הגדול וויזניץ אין מאנסי.
שמחת בית נדבורנא ירושלים – סאווראן – ראדאמישלא – סקולען ב"ב: דעם שבת קומט פאר די שמחת השבע ברכות פון א אייניקל ביי כ"ק אדמו"ר מנדבורנא ירושלים שליט"א, די חתן א זון פון בנו הגדול הגה"צ ר' יוחנן ראזענבוים שליט"א, איידעם ביי הגה"צ אבד"ק סקולען ב"ב שליט"א, מיט די כלה א טאכטער פון כ"ק אדמו"ר מסאווראן ביתר שליט"א, איידעם ביי הגה"צ ר' יעקב שמחה היילפערין שליט"א ראש כולל מהר"ש ענגיל וגאב"ד ראדאמישלא רמות. – די שמחת השבע ברכות קומט פאר אין ביהמ"ד סאווראן אין שטאט ביתר.
שמחת בית שבט הלוי – שאץ: דעם שבת קומט פאר די שמחת השבע ברכות פון א אייניקל ביי כ"ק אדמו"ר משאץ שליט"א פון בני ברק, די חתן א זון פון זיין זון הגה"צ ר' יוסף ישכר דוב מאסקאוויטש שליט"א, איידעם ביי כ"ק אדמו"ר מלעלוב ירושלים זצ"ל, מיט די כלה א טאכטער פון הגה"צ ר' אברהם אלי' וואזנער שליט"א, זון פון כ"ק אדמו"ר משבט הלוי שליט"א, און איידעם ביי הגה"צ אבד"ק מאקאווא אלעד זצ"ל. – די שמחת השבע ברכות קומט פאר אין ביהמ"ד הגדול שבט הלוי אין בני ברק.
שמחת בית קאפיטשניץ: דעם שבת קומט פאר די שמחת השבע ברכות פון א אייניקל ביי כ"ק אדמו"ר מקאפיטשניץ שליט"א, די כלה א טאכטער פון זיין זון הגה"צ ר' שלמה חיים פלינטנשטיין שליט"א אבד"ק קאפיטשניץ סטעטן איילענד, איידעם ביי הגה"צ ר' מיכל ראטטענבערג שליט"א מקאסאני, מיט די חתן א זון פון הגה"צ ר' חיים לייב דייטש שליט"א, זון פון הגה"צ אבד"ק חליסה שליט"א, און איידעם ביי הגה"צ אבד"ק טאשנאד שליט"א. – די שמחת השבע ברכות קומט פאר אין ביהמ"ד קאפיטשניץ אין סטעטן איילענד. – דער זיידע כ"ק אדמו"ר מקאפיטשניץ שליט"א איז צוגאסט אויף שבת אין סטעטן איילענד לכבוד די שמחה.
שמחת בית זוועהיל – הארנסטייפל – לעלוב ניקלשבורג: דעם שבת קומט פאר די שמחת השבע ברכות פון א אייניקל ביי כ"ק אדמו"ר מזוועהיל ירושלים שליט"א, די חתן א זון פון זיין איידעם הגה"צ ר' חנני' יוסף דאנציגער שליט"א, זון פון הגה"צ ר' יחיאל דאנציגער שליט"א, זון פון כ"ק אדמו"ר מאלכסנדר זצ"ל בעל אמרי מנחם, מיט די כלה א טאכטער פון הגה"צ ר' שלמה פריעדמאן שליט"א, זון פון כ"ק אדמו"ר מהארנסטייפל שליט"א פון ביתר, און איידעם ביי כ"ק אדמו"ר מלעלוב ניקלשבורג שליט"א. – די שמחת השבע ברכות קומט פאר אין ביהמ"ד הארנסטייפל אין שטאט ביתר.
שמחת בית צאנז זוועהיל – אנטוניא – נדבורנא חיפה: דעם שבת קומט פאר די שמחת האויפרוף פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הגה"צ ר' יעקב בערגער שליט"א מו"ץ אין קרית צאנז נתני', מיט די כלה א טאכטער פון הגה"צ ר' יצחק נח האגער שליט"א, זון פון כ"ק אדמו"ר מאנטוניא שליט"א, און איידעם ביי כ"ק אדמו"ר מנדבורנא חיפה שליט"א. – די שמחת האויפרוף קומט פאר אין קרית צאנז נתני'. דער זיידע כ"ק אדמו"ר מצאנז זוועהיל שליט"א איז צוגאסט אויף שבת אין קרית צאנז לכבוד די שמחה.
דעם שבת קומט פאר די שמחת הברית פון א אור אייניקל ביי כ"ק אדמו"ר מספינקא שליט"א, אייניקל פון זיין זון הגה"צ ר' ישראל ישורון ווייס שליט"א, איידעם ביי כ"ק אדמו"ר מקאסאן שליט"א, בן הנולד ביי זיין איידעם הרב אלעזר טווערסקי שליט"א, זון פון הגה"צ ר' דוד טווערסקי שליט"א, זון פון כ"ק אדמו"ר מראחמיסטריווקא שליט"א פון לעיקוואד, און איידעם ביי כ"ק אדמו"ר מבארניב שליט"א. – די שמחה קומט פאר אין ספינקא בית המדרש אין בארא פארק.
עס איז געשלאסן געווארן די שידוך פונעם חתן א זון פון הגה"צ ר' דוד צבי באב"ד שליט"א דומ"ץ טארנאפאל, זון פון הגה"צ אבד"ק טארנאפאל שליט"א, און איידעם ביי הגה"צ אבד"ק לובלין ב"פ שליט"א, מיט די כלה א טאכטער פון הגה"צ ר' אלעזר אייכענשטיין שליט"א, זון פון הגה"צ אבד"ק קיוויאשד מאנסי זצ"ל, און איידעם ביי כ"ק אדמו"ר מחוסט שליט"א פון ב"פ.
כ"ק אדמו"ר מסאטמאר שליט"א וויילט דעם שבת אין מחנה דברי יואל אין סוואן לעיק אויף אפרוה.
כ"ק אדמו"ר מסקווירא שליט"א וויילט דעם שבת אין מאליבו קאליפארניע אויף אפרוה.
כ"ק אדמו"ר מבאיאן שליט"א וויילט דעם שבת אין גליל העליון אויף אפרוה.
כ"ק אדמו"ר מוויזניץ שליט"א וויילט דעם שבת אין מאלויע שווייץ אויף אפרוה.
כ"ק אדמו"ר מתולדות אהרן שליט"א איז צוגאסט אויף דעם שבת אין שטאט מאד אין אונגארן, אינאיינעם פילע נגידים ותומכי המוסדות.
כ"ק אדמו"ר מדושינסקיא שליט"א איז צוגאסט אויף דעם שבת אין לאס אנדזשעלעס לטובת מוסדותיו הקדושים.
כ"ק אדמו"ר מוויזניץ שליט"א פון לאנדאן איז צוגאסט אויף דעם שבת אין קרית וויזניץ קייאמישא לעיק, אין שטוב פון בנו הגדול הגה"צ ר' מנחם שלמה האגער שליט"א, די תפילות און טישן קומען פאר אין ביהמ"ד הגדול אין שטעטל, אינאיינעם מיט אחיו הגדול כ"ק אדמו"ר מוויזניץ שליט"א פון קייאמישא.
כ"ק אדמו"ר מזידטשויב פרעמיסלא שליט"א וועלכער איז צוגאסט די טעג אויף א מסע הקודש קיין אייראפע, לרגל די יומא דהילולא קדישא פון הרה"ק בעל עטרת צבי מזידטשויב זי"ע וואס געפאלט היינט פרייטאג ערב שבת קודש, וועט פראווענען דעם שבת אין שטאט פרימישלאן אין אוקראינע.
כ"ק אדמו"ר מבלאזוב ריבאטיטש שליט"א איז צוגאסט אויף דעם שבת אין ירושלים עיה"ק, לקראת די הילולא קדישא פון אביו כ"ק אדמו"ר מבלאזוב זצ"ל, די תפילות און טישן קומען פאר אין היכל ישיבה קטנה ד'סאטמאר אויף רחוב אלשיך.
כ"ק אדמו"ר מזוטשקא ירושלים שליט"א איז צוגאסט אויף דעם שבת אין לאנדאן לרגל די שמחת פדיון הבן פון א אייניקל.
כ"ק אדמו"ר מקרעטשניף סיגעט וומס"ב שליט"א איז צוגאסט אויף דעם שבת אין מאנסי, בקרב תלמידי ישיבת זידטשויב פרעמיסלא.
הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר, וועלכער האלט זיך אויף די טעג אויף א נסיעה צו די מקומות הקדושים אין אייראפע אינאיינעם מיט פילע תלמידים וחסידים, וועט פראווענען דעם שבת אין שטאט מעזיבוזש אין אוקראינע, סמוך ונראה צום ציון הק' פונעם אור שבעת הימים דער הייליגער בעל שם טוב הק' זי"ע.
אריינצושיקן מודעות און נייעס, שיקט אן אימעיל צו NEWS@JDNMAIL.COM
