שמחת בית תולדות מרדכי – לויעב טשערנאביל – ביקסאד – ראחמיסטריווקא: עס איז געשלאסן געווארן די שידוך פון חתן כלה אייניקלעך פון כ"ק אדמו"ר מלויעב טשערנאביל שליט"א, די חתן א אייניקל פון זיין עלטסטן איידעם כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, א זון פון זיין איידעם הגה"צ ר' יוחנן טווערסקי שליט"א, זון פון הגה"צ אבד"ק ראחמיסטריווקא ירושלים שליט"א, מיט די כלה א טאכטער פון זיין איידעם הגה"צ ר' פנחס אהרן פיש שליט"א, זון פון כ"ק אדמו"ר מביקסאד שליט"א.
היינט קומט פאר די שמחת הברית פון א אייניקל ביי כ"ק אדמו"ר מסקולען שליט"א פון וויליאמסבורג, בן הנולד ביי זיין איידעם הרב ברוך אברהם טייטלבוים שליט"א, זון פון הגה"צ ר' יהושע העשיל טייטלבוים שליט"א מבריגל, איידעם ביי הגה"צ ר' חיים יצחק שמילאוויטש שליט"א אבד"ק רחובות הנהר. – די שמחה קומט פאר אין ביהמ"ד מאור ישראל סקולען אין וויליאמסבורג.
היינט נאכט ליל א' דחנוכה געפאלט די יומא דהילולא קדישא פון כ"ק אדמו"ר מטאלנא זצ"ל, די אייניקלעך כ"ק האדמורי"ם מטאלנא שליט"א וועלן אפרעכטן די יארצייט טישן ברוב עם.
היינט נאכט ליל א' דחנוכה געפאלט די יומא דהילולא קדישא פון הרה"ק רבי חיים מאנטוניא זי"ע, נכדו כ"ק אדמו"ר מאנטוניא שליט"א וועט אפרעכטן די יארצייט טיש בבית מדרשו אין בני ברק.
היינט קומט פאר א מעמד כבוד התורה וחלוקת פרסים פאר די בחורי החסידות בחצר הקודש לעלוב, אין שפיץ פון כ"ק אדמו"ר מלעלוב שליט"א.
והדליקו נרות בחצרות קדשך:
כ"ק אדמו"ר מוויזניץ שליט"א פון לאנדאן וועלכער איז צוגאסט די טעג אין אנטווערפן בקרב חסידיו, וועט היינט אויפדערנאכט אפרעכטן די מעמד הדלקת נרות חנוכה אין זאל פון בית רחל.
כ"ק אדמו"ר מוויען שליט"א וועלכער איז צוגאסט די טעג אין ארץ ישראל בקרב חסידיו, וועט היינט אויפדערנאכט אפרעכטן די מעמד הדלקת נרות חנוכה בבית האכסניא אויף רחוב יואל.
כ"ק אדמו"ר מקאסאן שליט"א וועט היינט אויפדערנאכט אפרעכטן די מעמד הדלקת נרות חנוכה בבית מדרשו אין בארא פארק.
כ"ק אדמו"ר מדעעש שליט"א וועלכער איז צוגאסט די טעג אין שטאט דעעש אין ראמעניע לרגל די הילולא קדישא פון צדיקי בית דעעש זי"ע, וועט היינט אויפדערנאכט אפרעכטן די מעמד הדלקת נרות חנוכה אינעם היסטארישן שוהל אין שטאט דעעש.
כ"ק אדמו"ר מבלאזוב שליט"א וועט היינט אויפדערנאכט אפרעכטן די מעמד הדלקת נרות חנוכה אין שטאט לעיקוואד, אין שטוב פון הנגיד החסיד ר' זושא נאוועסעלער הי"ו.
כ"ק אדמו"ר משאץ וויזניץ שליט"א וועט היינט אויפדערנאכט אפרעכטן די מעמד הדלקת נרות חנוכה אין שטאט בני ברק, אינעם גרויסן זאל אויף רחוב עזרא 66.
הגה"צ המשפיע ר' אלימלך בידערמאן שליט"א וועט היינט אויפדערנאכט אויפטרעטן מיט א שמועס לכבוד חנוכה, אין ביהמ"ד ביאלא אין מודיעין עילית.
הגה"צ ר' שמואל ארי' עקשטיין שליט"א וועט היינט אויפדערנאכט אפרעכטן א סעודה לכבוד חנוכה, אין ביהמ"ד קאמאדא אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
