שטייענדיג אין די ערשטע טעג פון די געהויבענע מסע הקודש וואס כ"ק אדמו"ר מסאטמאר שליט"א האט אונטערגענומען קיין ארץ ישראל, אין באגלייטונג פון טויזענטער חסידים פון איבער די גאנצע וועלט וואס מאכן דעם לאנגן וועג קיין ארץ ישראל, מיטצוהאלטן דעם היסטארישן שבת אין אתרא קדישא מירון, קומט שטארק צוניץ די פאפולערע ארץ ישראל ביכל פון די וואך אויסגאבע, וואס איז ערשינען מיט בלויז עטליכע וואכן צוריק.
ווי באקאנט איז "די וואך" אויסגאבע שטארק אקטיוו צוצושטעלן רייכע חומר פאר כלל ישראל, אינהאלטסרייכע ארטיקלען און אפהאנדלונגען, בילדער און קינדער אקטיוויטעטן וכדו', אין די לעצטערע חדשים איז צוגעלייגט געווארן נאך א פליגל צו די געוואלדיגע ארבעט וואס גייט אריין, מיטן צושטעלן יעדע שטיק צייט ספעציעלע אויסגאבעס אויף פארשידענע הינזיכטן, א שטייגער ווי די העכסט געלונגענע קאנסטרוקציע ביכל, און אזוי ווייטער.
עטליכע וואכן צוריק איז ערשינען די ספעציעלע ביכל "אווירא דארץ ישראל", מיט נוצבארע ארטיקלען און אינפארמאציע פאר סיי ווער עס פארט באזוכן אין ארץ ישראל, און אצינד ווען טויזענטער אמעריקאנער אידן פארן קיין ארץ ישראל קומט דאס שטארק צוניץ אויפן טאג טעגליכן פארנעם.
דרוקט דא צו זעהן דעם ביכל אין א דיגיטאלן פארמאט, און האט א געלונגענע נסיעה ברוחניות ובגשמיות.
