אין די יעצטיגע טעג זיך גרייטענדיג צום יום טוב חנוכה הבעל"ט, איז פארגעקומען א געהויבענע באזוך אין די קארידארן פון די בארימטע מוסד "בית לפליטות" אין ירושלים עיה"ק, ווען כ"ק אדמו"ר מצאנז שליט"א איז אין א זעלטענע שריט אנגעקומען בין כותלי המוסד צו באזוכן און מחזק זיין די עוסקים במלאכת הקודש, און מרעיף זיין טללי תחיה אויף די תלמידות וואס ווערן דארט ערצויגן על דרך ישראל סבא.
דער צאנזער רבי שליט"א האט זיך אומגעקוקט אויף די פילע איינריכטונגען אינעם בנין, די נייע פליגל וואס מען האט לעצטנס צוגעבויעט, אריינצוברענגען שטארקע הרחבת הדעת פאר די חשובע בנות ישראל, דאן האט דער רבי קובע געווען א מזוזה אויף איינער פון די נייע צימערן, און געוואונטשן ברכות לרוב פאר אלע עסקנים.
דאן האט דער רבי אפגעראכטן א ספעציעלע מסיבת לחיים לכבוד הנמצאים, און אויפגעטרעטן מיט דברי חיזוק ועידוד פאר די בנות ישראל אינעם מוסד, און שטארק ארויסגעהויבן די פעולות און צניעות וואס מען זעט כסדר. דער רבי האט געבענטשט א הויפן מטבעות וואס וועט פארטיילט ווערן פאר די קינדערלעך דורכאויס די חנוכה טעג הבאים עלינו לטובה.
צום שלוס האט דער רבי גאר ווארעם אנגעוואונטשן פאר די חברי ההנהלה, הרב משה יונה ראזענפעלד הי"ו נשיא ויושב ראש המוסדות, און זיין זון דער מנהל כללי הרב חיים אלעזר ראזענפעלד הי"ו, הרב גבריאל פאפענהיים הי"ו חבר ההנהלה, און מנכ"ל פון די נייע קימפעטארין היים אין טעלזסטאן, און העסקן ר' מענדל צימעט הי"ו מראשי העסקנים אין בית לפליטות.
