לקיים בנו חכמי ישרא"ל: כ"ק אדמו"ר מוויזניץ שליט"א לרפו"ש פארט היינט ארויס קיין מינכען דייטשלאנד, וואו דער רבי איז ערווארטעט דורכצוגיין א סעריע באהאנדלונגען אין די קומענדיגע טעג, למען בריאותו השלימה והמהירה. אידישע קינדער זענען מעתיר בתפילה לרפואתו השלימה, כ"ק מרן ישראל בן לאה אסתר בתוך שאר חולי ישראל.
שמחת בית ראחמיסטריווקא: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מראחמיסטריווקא שליט"א פון וויליאמסבורג, איידעם ביי הגה"צ אבד"ק ראחמיסטריווקא מאנסי שליט"א, די חתן א זון פון הגה"צ ר' אלעזר מאסקאוויטש שליט"א משאץ, מיט די כלה א טאכטער פון הגה"צ ר' שלום מאסקאוויטש שליט"א, זון פון כ"ק אדמו"ר משאץ שליט"א פון מאנסי. – די שמחת השבע ברכות קומט פאר אין ראחמיסטריווקא בית המדרש אין וויליאמסבורג.
היינט קומט פאר די שמחת הבר מצוה פון א אייניקל ביי כ"ק אדמו"ר מלויעוו טשערנאביל פארשעי שליט"א, א זון פון זיין זון הגה"צ ר' אברהם צבי טווערסקי שליט"א, איידעם ביי הגה"צ ר' שלמה פנחס מאלוויצקי שליט"א אבד"ק סלאנים מאנסי. – די שמחה קומט פאר אין זאל עטרת צבי אין מאנסי.
כ"ק אדמו"ר מסקולען שליט"א פון לעיקוואד וועט היינט מיטאג פוקד זיין דעם ציון הק' פון אביו כ"ק אדמו"ר הרה"ק בעל מאור ישראל מסקולען זצ"ל אין מאנסי, לרגל די הילולא קדישא וואס איז אויסגעפאלן דעם שבת קודש כ"ה אדר.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד תולעת יעקב אין וויליאמסבורג, לזכר נשמת כ"ק אדמו"ר מתולעת יעקב זצ"ל וועלכער האט נאך אנגעהויבן שרייבן דעם ספר תורה, די סעודה לגומרה של תורה קומט פאר אין זאל ויואל משה אין וויליאמסבורג.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד צאנז בית משה דוד אין בית שמש, נדבת משפחת כהן שיחי'.
היינט קומט פאר די מעמד הכנסת ספר תורה וואס ווערט אריינגעגעבן צום קראסנא בית המדרש אין בארא פארק, נדבת הרב החסיד ר' שרגא צבי פישמאן הי"ו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
