שמחת בית צאנז – מאקאווא – דזיקוב וויזניץ – סטראפקוב: עס איז געשלאסן געווארן די שידוך פונעם חתן א זון פון הגה"צ ר' ישראל לעמבערגער שליט"א רב ביהמ"ד כלל חסידי אין די רמה ד' געגנט אין בית שמש, זון פון כ"ק גאב"ד מאקאווא שליט"א, און איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אברהם האלבערשטאם שליט"א אבד"ק קרית צאנז טבריה, זון פון כ"ק אדמו"ר מצאנז שליט"א, און איידעם ביי כ"ק אדמו"ר מסטראפקוב שליט"א.
שמחת בית סאטמאר: היינט קומט פאר די לעצטע שמחת השבע ברכות פון די עלטסטע אור אייניקל ביי כ"ק אדמו"ר מסאטמאר שליט"א, עלטסטע אייניקל ביי בנו הגדול הגה"צ אבד"ק סאטמאר וומס"ב שליט"א, איידעם ביי הגה"צ גאב"ד סאטמאר ב"פ שליט"א. די כלה איז א טאכטער פון זיין איידעם הרה"ג ר' יואל גלאנץ שליט"א מו"ץ בק"ק סאטמאר וומס"ב, מיט די חתן א זון פון הרה"ג ר' יעקב שלמה פאנעט שליט"א רב דקהל שערי תפילה אין קרית יואל. – די שמחת השבע ברכות קומט פאר אין זאל גינת קליין אין קרית יואל, אינאיינעם מיט די מעמד סעודת הודאה רבתי לכבוד כ"א כסלו, יום הצלה והשחרור פון הרה"ק מסאטמאר זי"ע.
היינט קומט פאר די שמחת החתונה פונעם חתן א זון פון הגה"צ ר' מענדיל הערש כהנא שליט"א דומ"ץ קארלסבורג, זון פון כ"ק אדמו"ר מקארלסבורג שליט"א, און איידעם ביי הגה"צ ר' געציל בערקאוויטש שליט"א דומ"ץ קרית יואל ובעל אגלי דבש, מיט די כלה א טאכטער פון הגה"צ ר' יואל מייזליש שליט"א, זון פון הגה"צ אבד"ק ווייטצען וומס"ב שליט"א, און איידעם ביי הגה"צ ר' יהושע העשיל וואגשאהל שליט"א אב"ד יאסלא, איידעם ביי הגה"צ ר' מנשה מאיער שליט"א גאב"ד גרינוויל. – די שמחת החתונה קומט פאר אין ווילחאוויץ זאל אין מאנסי.
היינט קומט פאר די שמחת השבע ברכות פונעם חתן א זון פון הגה"צ ר' מרדכי ברילל שליט"א אבד"ק מנורה הטהורה זעליחוב, מיט די כלה א טאכטער פון הגה"צ ר' זלמן לייב מייזעלס שליט"א, זון פון הגה"צ אבד"ק מיהאלדי שליט"א. - די שמחה קומט פאר אין זאל עטרת גינענדל אין מאנסי, אינאיינעם מיט די סעודת הודאה לרגל יום הצלה והשחרור פון הרה"ק מסאטמאר זי"ע, און די סיום מסכת שבת וואס ווערט געלערנט דורך קהילת זעליחוב.
עס איז געשלאסן געווארן די שידוך פונעם חתן א זון פון הגה"צ ר' אליעזר זוסיא שטערן שליט"א, זון פון הגה"צ אבד"ק סקולען ב"ב שליט"א, און איידעם ביי כ"ק אדמו"ר מפיטסבורג זצ"ל, מיט די כלה א טאכטער פון הגה"צ ר' אברהם אלי' געלבער שליט"א רב חסידי דושינסקיא אין רמה ד' בית שמש, זון פון הגה"צ ר' מרדכי געלבער שליט"א רב חסידי מונקאטש אין בני ברק, איידעם ביי כ"ק גאב"ד זכרון מאיר זצ"ל, און איידעם ביי הגה"צ אבד"ק דושינסקיא בית שמש שליט"א.
היינט קומט פאר א גרויסע עצרת מחאה וזעקה אין שטאט לאנדאן, אין ליכט פון די שרעקליכע גזירת הגיוס בארץ הקודש, די עצרת קומט פאר במעמד אלפי תושבי העיר פון אלע חסידישע קרייזן על פי קריאת גדולי רבני העיר, אויף די הויפט קענזינגטאן גאס אין לאנדאן סיטי, פארנט פון די מדינת ישראל קאנסולאט.
היינט קומט פאר די מעמד חנוכת הבית און קביעת מזוזה פאר די נייע בנין הכנסת אורחים אין שטאט דעעש אין ראמעניע, אינאיינעם מיט די יארצייט טיש לרגל די הילולא קדישא פון הרה"ק בעל כנסת יחזקאל מדעעש זי"ע, אין שפיץ פון כ"ק אדמו"ר מדעעש שליט"א וועלכער איז אנגעקומען אויף א געהויבענע נסיעה צום שטאט דעעש אין ראמעניע.
היינט קומט פאר די מסיבה של מצוה לטובת קופת קרן חתנים ד'באבוב, אין זאל פון ביהמ"ד רודניק אין בארא פארק, אין שפיץ פון כ"ק אדמו"ר מבאבוב שליט"א.
היינט קומט פאר אין אנטווערפן א מעמד קבלת פנים לכבודו פון כ"ק אדמו"ר מוויזניץ שליט"א פון לאנדאן, אין היכל כולל תורת מרדכי וויזניץ אין די היכל התורה אור החיים אויף די זורענבורג גאס אין שטאט.
כ"ק אדמו"ר מצעהלים שליט"א וועלכער האט געוויילט די לעצטע פאר וואכן אין ארץ ישראל, קערט זיך היינט צוריק למעון קדשו אין וויליאמסבורג.
כ"ק אדמו"ר מפינסק קארלין שליט"א וועט היינט ארויספארן קיין עיה"ק טבריה בראש קהל חסידיו, צו פוקד זיין דעם ציון הק' פון הרה"ק רבי יוחנן מקארלין סטאלין זי"ע לרגל די הילולא קדישא וואס געפאלט היינט כ"א כסלו, דערנאך וועט דער רבי אנקומען אויף תפילת מנחה ביים ציון הק' פון התנא האלקי רבי מאיר בעל הנס, און דערנאך וועט דער רבי אפרעכטן דעם יארצייט טיש אינעם זאל ביים ציון רבי מאיר בעל הנס. שפעטער ביינאכט וועט דער רבי אנקומען אויף תפילת מעריב ביים ציון הק' פון התנא האלקי רבי שמעון בר יוחאי אין אתרא קדישא מירון.
היינט נאכט כ"ב כסלו געפאלט די יומא דהילולא קדישא פון כ"ק אדמו"ר מטעמעשוואר ב"פ זצ"ל, די קינדער כ"ק האדמורי"ם וועלן אפרעכטן די יארצייט טיש אין ביהמ"ד טעמעשוואר אין בארא פארק, בנו כ"ק אדמו"ר מטעמעשוואר אלעד שליט"א וועט אפרעכטן די יארצייט טיש בבית מדרשו.
לרגל די יארצייט פון הרבנית הצדיקת מקרעטשניף ע"ה, אשת חבר הרה"ק רבי הערשעלע מקרעטשניף זצ"ל, וועט נכדה כ"ק אדמו"ר מקרעטשניף סיגעט שליט"א ארויפגיין בראש קהל חסידיו צום אהל אדמור"י קרעטשניף אויפן הר הזיתים, מתפלל צו זיין ביים ציון פון די באבע הרבנית ע"ה, און אינאיינעם זאגן די פרקי תהלים כנהוג צום הקמת המצבה פון כ"ק אדמו"ר מקרעטשניף סיגעט זצ"ל.
כ"ק אדמו"ר מבלאזוב ריבאטיטש שליט"א וועט היינט אויפטרעטן מיט א שמועס לקראת די ימי החנוכה, בבית מדרשו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
