שמחת בית סקווירא: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א, די חתן א זון פון זיין איידעם הרב איתמר כ"ץ שליט"א, זון פון הגה"צ אבד"ק מאגרוב שליט"א, מיט די כלה א טאכטער פון הרב אברהם יהושע העשיל היימליך שליט"א, זון פון הגה"צ אב"ד קאראד שליט"א, און איידעם ביי כ"ק אדמו"ר משומרי אמונים זצ"ל פון בני ברק. – די שמחת השבע ברכות קומט פאר אין ביהמ"ד הגדול אין שיכון סקווירא.
שמחת בית וויזניץ: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' חיים מאיר האגער שליט"א, איידעם ביי הגה"צ אבד"ק ראחמיסטריווקא מאנסי שליט"א, מיט די כלה א אייניקל פון כ"ק אדמו"ר מוויזניץ שליט"א פון מאנסי, א טאכטער פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל. – די שמחת השבע ברכות קומט פאר אין ביהמ"ד הגדול אין קרית וויזניץ קייאמישע לעיק.
שמחת בית וויזניץ: היינט קומט פאר די שמחת השבע ברכות פון א אייניקל ביי כ"ק אדמו"ר מוויזניץ שליט"א, די חתן א זון פון הגה"צ ר' דוד ראזענבוים שליט"א, זון פון כ"ק אדמו"ר מפרימישלאן שליט"א. מיט די כלה א טאכטער פון הרה"ג ר' יעקב יצחק קליין שליט"א דומ"ץ אין וויזניץ, אייניקל פון הרה"צ ר' אשר יונה וויינבערגער זצ"ל מוותיקי חסידי וויזניץ. – די שמחת השבע ברכות קומט פאר אין ביהמ"ד הגדול וויזניץ אין בני ברק.
היינט קומט פאר די לעצטע שמחת השבע ברכות פונעם חתן א זון פון כ"ק אדמו"ר מקאמאדא שליט"א, מיט די כלה א טאכטער פון הגה"צ ר' יוסף היילפערין שליט"א, זון פון הגה"צ אבד"ק הענדאן שליט"א, און איידעם ביי הגה"צ ר' שרגא פייוויש שנעעבאלג זצ"ל מח"ס שרגא המאיר ורב חסידי וויזניץ לאנדאן. – די שמחת השבע ברכות קומט פאר אין זאל פון בנות ישראל וויזניץ אויף 229 מעיפל אין מאנסי.
שמחת בית טאהש: היינט קומט פאר די שמחת התנאים פון א אייניקל ביי כ"ק אדמו"ר מטאהש שליט"א, די כלה א טאכטער פון בנו הגדול הגה"צ ר' אברהם יהודה סג"ל לאווי שליט"א, מיט די חתן א זון פון הרב יהושע ישכר בעריש לאנדא שליט"א, זון פון הגה"צ אבד"ק עדעלין קערעסטיר שליט"א, און איידעם ביי כ"ק אדמו"ר מזוטשקא קאראקאס שליט"א. – די שמחה קומט פאר אין זאל בית צירל אין קרית טאהש.
היינט קומט פאר די שמחת פדיון הבן פון א אור אייניקל ביי כ"ק הגה"צ גאב"ד מאקאווא שליט"א, אייניקל פון זיין זון הגה"צ ר' מרדכי שרגא פייוויש לעמבערגער שליט"א, איידעם ביי הגה"צ ר' משה אשרי שליט"א, איידעם ביי הגה"ק בעל עטרת משה ממאקאווא זי"ע, בן הנולד ביי זיין זון הרב נתן נטע לעמבערגער שליט"א, איידעם ביי הגה"צ ר' ישראל יעקב לעמבערגער שליט"א אבד"ק מאקאווא ב"ב. – די שמחה קומט פאר אין זאל רויאל אין בני ברק.
כ"ק אדמו"ר מדושינסקיא שליט"א וועלכער האט געוויילט די לעצטע וואך צייט אין לאנדאן לרגל די שמחת החתונה פון א אייניקל, קערט זיך היינט צוריק למעון קדשו אין ירושלים עיה"ק.
כ"ק אדמו"ר מספינקא שליט"א פון בני ברק איז אנגעקומען צוגאסט קיין לאנדאן אויף א ביקור חיזוק בקרב חסידיו.
היינט י' אדר געפאלט די יומא דהילולא קדישא פון כ"ק אדמו"ר מזידטשויב זצ"ל, די קינדער כ"ק האדמורי"ם מזידטשויב וומס"ב, זידטשויב חרדים, און באלחוב שליט"א, וועלן ארויפגיין צום ציון הק' אויפן בית החיים אין קרית יואל.
היינט קומט פאר א מעמד ותבנהו לטובת די אויפבוי פון די נייע בנין ביהמ"ד דברי יואל ד'סאטמאר אין בארא פארק, אין די פרימיער זאל אין בארא פארק.
הגה"צ רבי אהרן ישעי' ראזנער שליט"א דומ"ץ סאמבאטהעלי, איידעם ביי כ"ק אדמו"ר מוויען שליט"א, זיצט שבעה צו די פטירה פון זיין זון בנש"ק הרב יוסף ראזנער ע"ה, אין זיין שטוב אין וויליאמסבורג ביז דעם מיטוואך אינדערפרי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
