שמחת בית באיאן: היינט קומט פאר די שמחת החתונה פון א אייניקל ביי כ"ק אדמו"ר מבאיאן שליט"א, די כלה א טאכטער פון בנו הגדול הגה"צ ר' יוסף ברייאר שליט"א, איידעם ביי הגאון החסיד ר' יעקב שרייבער שליט"א מחשובי חסידי באיאן, מיט די חתן א זון פון הגה"צ ר' שלום וואגשאהל שליט"א, זון פון הגה"צ ר' הערשיל וואגשאהל שליט"א ר"ם בישיבת ערלוי, און איידעם ביי הגה"צ ר' אשר ראזענפעלד שליט"א, זון פון כ"ק אדמו"ר מפינסק קארלין זצ"ל בעל אורחות אהרן. – די שמחת החתונה קומט פאר אין ביהמ"ד הגדול אין קרית בעלזא ירושלים, נאכפאלגענדיג די שווערע אינצידענט וואס האט פאסירט די וואך ווען א מיסיל שרויפנעל איז געפאלן אויפן בנין ביהמ"ד הגדול דחסידי באיאן אין ירושלים.
שמחת בית קראלי – שענדישוב: היינט קומט פאר די שמחת החתונה פון א אייניקל ביי כ"ק אדמו"ר מקראלי שליט"א, די חתן א זון פון זיין זון הגה"צ ר' ישכר בער הורוויץ שליט"א, איידעם ביי כ"ק אדמו"ר משענדישוב שליט"א, מיט די כלה א טאכטער פון הגה"צ רבי משה אליעזר בלום שליט"א אבד"ק סיקסא, זון פון הגה"צ ר' שמואל מאיר בלום שליט"א, זון פון הגה"ק מקאשוי זי"ע בעל ברכת שמים. – די שמחת החתונה קומט פאר אין זאל עטרת טשארנא אין מאנסי.
שמחת בית טאהש – ספינקא: עס איז געשלאסן געווארן די שידוך פונעם חתן א זון פון הגה"צ ר' מרדכי כהנא שליט"א, זון פון כ"ק אדמו"ר מספינקא בני ברק שליט"א, און איידעם ביי כ"ק אדמו"ר מנצח מנחם ספינקא שליט"א, מיט די כלה א טאכטער פון הגה"צ ר' יחיאל מיכל ישעי' מאסקאוויטש שליט"א, זון פון כ"ק אדמו"ר מזלאטשוב וומס"ב שליט"א, און איידעם ביי כ"ק אדמו"ר מטאהש שליט"א.
היינט כ"ט אדר געפאלט די אכטע הילולא קדישא פון כ"ק אדמו"ר בעל תורת מרדכי מוויזניץ זצ"ל, די קינדער כ"ק האדמורי"ם מוויזניץ שליט"א וועלן פוקד זיין דעם ציון הק' דורכאויס די טאג אויפן וויזניצע בית החיים אין מאנסי, און שפעטער פארנאכטס אפרעכטן די צענטראלע יארצייט טיש ברוב עם אין ביהמ"ד הגדול אין שיכון וויזניץ מאנסי.
בנו כ"ק אדמו"ר מוויזניץ שליט"א פון בית שמש וועט אפרעכטן די יארצייט טיש אין ביהמ"ד הגדול וויזניץ אין בית שמש.
לקראת די זעקסטע הילולא קדישא פון כ"ק אדמו"ר מאמשינאוו ארה"ב זצ"ל וועט היינט ערב ראש חודש פארקומען די מעמד עלי' לציון, אויפן אלטן בית החיים אין עיה"ק טבריה.
היינט כ"ט אדר געפאלט די יארצייט פון הגה"צ רבי מנחם מענדיל לעמבערגער זצ"ל אבד"ק מאקאווא ירושלים, די יארצייט סעודה קומט פאר היינט פארנאכטס אין זאל פון ביהמ"ד שבט הלוי אין ירושלים.
היינט קומט פאר אין אנטווערפן די יערליכע דינער לטובת כולל חבת ירושלים לצדקת רבי מאיר בעל הנס, אין זאל פון בית רחל, אין שפיץ פון כ"ק מפשעווארסק שליט"א נשיא הכולל באייראפע, אלס נואם הכבוד וועט אויפטרעטן כ"ק אדמו"ר מסטוטשין שליט"א וועלכער איז אנגעקומען צוגאסט אין שטאט צו באשיינען די מעמד און מלהיב זיין דעם ציבור המשתתפים.
היינט קומט פאר די מעמד כבוד התורה פאר תלמידי ישיבה לצעירים מבצר התורה קרעטשניף אין שטאט אלעד, אין זאל משכן הכינוסים חברון אין אלעד, אין שפיץ פון כ"ק אדמו"ר מקרעטשניף י"ם שליט"א נשיא הישיבה.
היינט קומט פאר די מעמד כבוד התורה וחלוקת פרסים פאר די תלמידים פון ישיבת בוהוש, אין שפיץ פון כ"ק אדמו"ר מבוהוש שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום היכל ישיבה קטנה תורה ויראה ד'סאטמאר אין בארא פארק, לע"נ הב' החשוב זאב סטראלאוויטש ע"ה, די סעודה לגומרה של תורה קומט פאר אין בנין בית רחל בנין פריעדמאן, אין שפיץ פון כ"ק אדמו"ר מסאטמאר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
