שמחת בית באבוב 45: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מבאבוב 45 שליט"א, די חתן א זון פון זיין איידעם הגה"צ ר' חיים ברוך האלבערשטאם שליט"א, זון פון הגה"צ אבד"ק פאקשעוויץ שליט"א, מיט די כלה א טאכטער פון הגה"צ ר' חיים אלי' טייטלבוים שליט"א אב"ד קאריץ. – די שמחת האויפרוף קומט פאר אין ביהמ"ד באבוב 45 אין יוניאן ניו דזשערזי, דער זיידע כ"ק אדמו"ר מבאבוב 45 שליט"א איז צוגאסט אויף שבת בקרב חסידיו אין יוניאן לכבוד די שמחה, און וועט אפרעכטן די תפילות און טישן אינעם גרויסן שאטער נעבן בית מדרשו.
שמחת בית וויזניץ – קאלוב - אמשינאוו: דעם שב"ק קומט פאר די שמחת האויפרוף פונעם חתן א זון פון הגה"צ ר' אברהם שמעון מאריליס שליט"א ראה"כ תורת שמעון יעריסלאוו ב"ב, איידעם ביי כ"ק אדמו"ר מאמשינאוו ב"פ זצ"ל, אייניקל פון הגה"ק בעל מקור ברוך מסערט ויזניץ זי"ע, מיט די כלה א טאכטער פון הגה"צ ר' נפתלי מרדכי טויב שליט"א אב"ד קאלוב טשעסנאט רידזש, זון פון כ"ק אדמו"ר מקאלוב שליט"א, און איידעם ביי כ"ק אדמו"ר מוויזניץ שליט"א פון מאנסי. – די שמחת האויפרוף קומט פאר אין ביהמ"ד אמשינאוו אין בארא פארק.
שמחת בית נייטרא – ראחמיסטריווקא – בארניב: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מנייטרא שליט"א, די חתן א זון פון זיין איידעם הגה"צ ר' חיים מאיר ארנסטר שליט"א, זון פון הגה"צ ר' ישראל ארנסטר שליט"א, מיט די כלה א טאכטער פון הגה"צ ר' דוד טווערסקי שליט"א, זון פון כ"ק אדמו"ר מראחמיסטריווקא לעיקוואד שליט"א, און איידעם ביי כ"ק אדמו"ר מבארניב שליט"א. – די שמחת האויפרוף קומט פאר אין ביהמ"ד הגדול וויזניץ אין מאנסי, דער זיידע כ"ק אדמו"ר מנייטרא שליט"א איז צוגאסט אויף שבת אין מאנסי לכבוד די שמחה.
שמחת בית סערדאהעלי – תולדות יהודה סטוטשין: דעם שב"ק קומט פאר די שמחת האויפרוף פונעם חתן א זון פון הגה"צ ר' חיים אליעזר זילבער שליט"א, זון פון כ"ק אדמו"ר מתולדות יהודה סטוטשין שליט"א, און איידעם ביי הגה"צ ר' חיים אלעזר מאנדלאוויטש שליט"א חבר ביד"ץ טארטיקוב, איידעם ביי כ"ק אדמו"ר מסערדאהעלי שליט"א, מיט די כלה א טאכטער פון הרב משה דוד אונסדארפער שליט"א, זון פון הגה"צ ר' ישראל אונסדארפער שליט"א מרבני צאנז קלויזענבורג, און איידעם ביי הגה"צ אבד"ק לימינוב שליט"א. – די שמחת האויפרוף קומט פאר אין ביהמ"ד הגדול תולדות יהודה סטוטשין אין בארא פארק.
שמחת בית פשעווארסק – קרעטשניף ירושלים: דעם שב"ק קומט פאר די שמחת האויפרוף פונעם חתן א אייניקל פון כ"ק אדמו"ר מקרעטשניף ירושלים שליט"א, א זון פון זיין איידעם הגה"צ ר' דוד צבי הירש מייזליש שליט"א, זון פון הגה"צ ר' בעריש מייזליש שליט"א מווייטצען לאנדאן, מיט די כלה א טאכטער פון הגה"צ ר' אלעזר פריעדמאן שליט"א דומ"ץ סאטמאר אנטווערפן, זון פון הגה"צ ר' ברוך אברהם פריעדמאן שליט"א דומ"ץ סאטמאר העריסאן, און איידעם ביי כ"ק אדמו"ר מפשעווארסק שליט"א. – די שמחת האויפרוף קומט פאר אין ביהמ"ד קרעטשניף אויף רחוב אבינועם ילין אין ירושלים.
שמחת בית טשארנאביל – מעליץ: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מטשארנאביל שליט"א, די חתן א זון פון זיין זון הגה"צ ר' ברוך טווערסקי שליט"א, איידעם ביי כ"ק אדמו"ר ממעליץ שליט"א פון אשדוד, מיט די כלה א טאכטער פון הגה"צ ר' זאב גאלדמאן שליט"א, זון פון כ"ק אדמו"ר מזוועהיל זצ"ל בעל אור אברהם, און איידעם ביי הגה"צ ר' מנחם מענדיל פאקשער זצ"ל רב קהל צמח צדיק ויזניץ אלעד. – די שמחת האויפרוף קומט פאר אין ביהמ"ד טשארנאביל אין אשדוד. דער זיידע כ"ק אדמו"ר ממעליץ שליט"א וועט זיין צוגאסט אויף שבת אין די רובע ז' געגנט אין אשדוד, און וועט אפרעכטן שלש סעודות אין ביהמ"ד בית וועד לחכמים אויף רחוב רבא.
דעם שב"ק קומט פאר די שמחת האויפרוף פונעם חתן א זון פון הגה"צ ר' אברהם יוסף סעקולא שליט"א אבד"ק סאבאלאוו, זון פון הגה"צ אבד"ק סאדאוונא זצ"ל, און איידעם ביי כ"ק גאב"ד טענקא שליט"א, מיט די כלה א טאכטער פון הרב לוי יצחק קלוגהופט שליט"א, זון פון הגה"צ ר' אפרים מרדכי קלוגהופט שליט"א מסטרעליסק, איידעם ביי כ"ק אדמו"ר מקאסאן זצ"ל. – די שמחת האויפרוף קומט פאר אין ביהמ"ד סאבאלאוו אין פלעטבוש, דער זיידע כ"ק גאב"ד טענקא שליט"א איז צוגאסט אויף שבת אין פלעטבוש לכבוד די שמחה.
הגאון הגדול רבי משה הלל הירש שליט"א ראש ישיבת סלאבאדקע וועלכער איז צוגאסט די טעג אין אמעריקע לטובת די סלאבאדקע ישיבה בארץ הקודש, וועט וויילן דעם שב"ק אין שטאט לעיקוואד בקרב תלמידיו ומעריציו.
כ"ק אדמו"ר מסאטמאר שליט"א וויילט דעם שב"ק אין נארט מיאמי פלארידע אויף אפרוה.
כ"ק אדמו"ר מקארלין סטאלין שליט"א וועלכער איז צוגאסט די טעג אין ניו יארק בקרב חסידיו, וועט פראווענען דעם שב"ק אויף א גרויסע פארנעם אין די זאלן פון די פאלאס אין בארא פארק.
כ"ק אדמו"ר מתולדות אהרן שליט"א וועלכער איז צוגאסט די טעג אין ניו יארק לרגל די שמחת החתונה פון א אייניקל און לטובת די מוסדות הקדושים אין ארץ ישראל, וועט פראווענען דעם שב"ק אויף א פארמאכטע פארנעם אינאיינעם מיט א געקליבענע צאל נגידי ותומכי המוסדות.
כ"ק אדמו"ר מלעלוב שליט"א איז צוגאסט אויף דעם שב"ק אין קרית יערים טעלזסטאן, אויף א שבת התאחדות מיט די בחורי החסידות.
כ"ק אדמו"ר מביאלא שליט"א וויילט דעם שב"ק אין עיה"ק צפת אויף אפרוה.
כ"ק אדמו"ר מוויזניץ שליט"א פון לאנדאן איז צוגאסט אויף דעם שב"ק אין ירושלים עיה"ק בקרב חסידיו, די תפילות און טישן קומען פאר אינעם גרויסן אודיטוריום אויף רחוב מנחת יצחק, מוצאי שבת וועט דער רבי אנקומען אויף א תפילת רבים בראש קהל חסידיו ביים שריד בית מקדשינו דער כותל המערבי.
כ"ק אדמו"ר מדזיקוב וויזניץ שליט"א וועלכער האלט זיך אויף די טעג אויף א מסע הקודש צו די מקומות הקדושים אין אייראפע, וועט פראווענען דעם שב"ק אינאיינעם מיט די חסידים אין שטאט מעזבוזש, סמוך ונראה צום ציון הק' פונעם אור שבעת הימים דער הייליגער בעל שם טוב הק' זי"ע.
כ"ק אדמו"ר מזוועהיל שליט"א איז צוגאסט אויף דעם שב"ק אין שטאט קערעסטיר אין אונגארן, אין ראם פון די ספעציעלע נסיעה מיט די נגידי ותומכי המוסדות.
כ"ק אדמו"ר מזוועהיל ארה"ב שליט"א איז צוגאסט אויף דעם שב"ק אין מארין פארק אין ברוקלין.
כ"ק אדמו"ר מלוצק שליט"א איז צוגאסט אויף דעם שב"ק אין טאראנטא לטובת מוסדותיו הקדושים, די אכסניא איז אין שטוב פון הרב החסיד ר' דוד דאנקאונא הי"ו.
כ"ק אדמו"ר מפיטסבורג שליט"א איז צוגאסט אויף דעם שב"ק אין לעיקוואד לטובת מוסדותיו הקדושים.
כ"ק אדמו"ר מלעלוב ניקלשבורג שליט"א וויילט דעם שב"ק אין שטאט קערעסטיר אין אונגארן אויף אפרוה.
כ"ק אדמו"ר מקהל חסידי ירושלים שליט"א וועלכער האלט זיך אויף די טעג אין ניו יארק לטובת מוסדותיו הקדושים, וועט פראווענען דעם שב"ק אויף א פארמאכטע פארנעם אין די קאנטרי בערג מיט א ענגע צאל נגידים ותומכים.
הגה"צ גאב"ד סאטמאר מאנסי שליט"א וועט דעם שב"ק פראווענען די תפילות און טישן אין די נייע בית המדרש אהל פיגא ד'סאטמאר אויף רעמסען, לרגל די מעמד הכנסת ספר תורה וואס קומט פאר שבת אינדערפרי פאר קריאת התורה, נדבת הרב החסיד ר' מרדכי עלענבויגן הי"ו.
הגה"צ אבד"ק צאנז ארה"ב שליט"א בן כ"ק אדמו"ר מצאנז שליט"א, איז צוגאסט אויף דעם שב"ק בקרב חסידי צאנז אין וויליאמסבורג, מוצאי שבת קומט פאר א מעמד יובל העשרים צום התחדשות הביהמ"ד, אינאיינעם מיט די חנוכת הבית לרגל די איבערבוי פון די צאנזער בית המדרש אין וויליאמסבורג.
הרב שלום רוקח שליט"א נכדו הגדול פון כ"ק אדמו"ר מבעלזא שליט"א, איז צוגאסט אויף דעם שב"ק אין שטאט מאנטשעסטער בקרב חסידי בעלזא.
אריינצושיקן מודעות און נייעס, שיקט אן אימעיל צו NEWS@JDNMAIL.COM
