אין קהילה קדושה ראחמיסטריווקא אין לעיקוואד ווערט אצינד נתרבה די כח התורה וההוראה, מיטן אויפנאמע פון דער חשובער דיין ומורה צדק פאר די קהילה, הרה"ג ר' יואל ברייער שליט"א, אשר ידיו רב לו בעסק ההוראה צו פסקנ'ן שאלות און מורה זיין כדת של תורה פאר אידישע קינדער אויף א כסדר'דיגע פארנעם.
די נייעס איבער די התמנות פונעם חשובן דיין איז געמאלדן געווארן מיט עטליכע חדשים צוריק דורך כ"ק אדמו"ר מראחמיסטריווקא שליט"א פון לעיקוואד, און אין די יעצטיגע טעג האט דער דיין שליט"א זיך עמטליך אריבערגעצויגן קיין לעיקוואד לשרת בקודש און שטיין פונדערנאנט צו באדינען די חברי הקהילה מדי יום ביומו.
דעם זונטאג עפנט זיך די טויערן פון די שפאגל נייע בית הוראה בבנין ביהמ"ד הגדול ראחמיסטריווקא, וואו דער דיין וועט זיצן טאג טעגליך און באשטימטע שעות און אויפנעמען אידן, להורות את דבר השם זו הלכה.
