נעכטן אויפדערנאכט איז כ"ק אדמו"ר מגארליץ שליט"א פלוצלינג צוזאמגעפאלן ל"ע אינמיטן די שמחת החתונה פון א אייניקל, דער רבי שליט"א איז באהאנדלט געווארן דורך די חברה הצלה, און איז גענומען געווארן אין שפיטאל פאר אונטערזוכונגען.
אנהייב נאכט האט דער רבי באשיינט די שמחת החתונה פון נכדו החתן, א זון פון זיין זון הגה"צ ר' דוד שלמה יונגרייז שליט"א, מיט די כלה א אייניקל פון כ"ק אדמו"ר מטשערנאביל שליט"א, די חתונה איז געפראוועט געווארן אין עטרת טשארנא זאל אין מאנסי, וואו דער רבי האט באשיינט בראש המסובים ביים קבלת פנים חופה און סעודת החתונה.
אינמיטן טאנצן איז דער רבי שליט"א פלוצלינג אוועקגעפאלן ל"ע אויפן אויבן אן, דער רבי שליט"א איז באהאנדלט געווארן דורך די חברה הצלה, און נאכן סטאביליזירן די מצב האט מען אריינגעפירט דעם רבי'ן אין שפיטאל פאר אונטערזוכונגען. מאמענטאל געפונט זיך דער רבי אין א סטאבילע צושטאנד, און אידישע קינדער זענען מתפלל לרפואתו, כ"ק מרן יצחק דוב בן נעכא ליבא בתוך שאר חולי ישראל.
אין בילד ווערט געזעהן דער רבי שליט"א ביי סידור קידושין נעכטן אויפדערנאכט
