פון ארץ ישראל איז אנגעקומען די ביטערע נייעס אז די בארימטע משמח אלוקים ואנשים הרה''ח ר' בצלאל דים ע''ה איז ל''ע נפטר געווארן אין עלטער פון 74 יאר.
הרה''ח ר' בצלאל איז געווען געווען א מוסטער פון א דורכגעווייקטע חסידישע איד און א לעגענדארע בדחן וואס האט שטענדיג מהנה געווען אידישע קינדער סיי ביי היימישע שמחות און בפרט אין די טעג פון חודש אדר. ער האט זוכה געווען צו אויפטרעטן מיט מילתא דבדיחותא בפניו פון פילע אדמורי''ם ורבנים. ווער עס האט זיך נאר געדרייט ארום אים איז נשפע געווארן פון זיין פרייליכע געמיט און געהערט פון אים א גוט ווארט.
אויסער זיין געווענליכע סדר היום וואס איז געווען מלא תורה וחסידות איז ער געווען א יודע ספר אויסניצענדיג זיין פרייע צייט צו לערנען תורה און דאס האט זיך אנגעמערקט ביי זיינע כסדר'דיגע אויפטריטן.
צווישן זיינע געשוויסטער ציילט זיך דער באקאנטער משמח אלקים ואנשים להבחל"ח הרה"ח ר' שלום אליעזר דים הי"ו פון קרית יואל, וועלכער איז א צווילינג ברודער מיטן נפטר, און זאגט כסדר איבער רייכע רעיונות אין זיין נאמען.
די לוויה איז ארויס היינט אין בני ברק אין באגלייטונג פון פילע אידן. יהא זכרו ברוך.
