חסידי אלכסנדר אין אמעריקע זענען איינגעהילט אין פרייד ווען די גבולי הקדושה האט זיך ווידער פארשפרייט אין די יעצטיגע וואכן, מיטן עפענונג פון א נייע אלכסנדר שטיבל על אדמת אמעריקע, תחת דגלו והדרכתו פון כ"ק אדמו"ר מאלכסנדר שליט"א.
דאס קומט נאכדעם וואס עס איז שוין פארהאן חסידישע אלכסנדר שטיבלעך אין בארא פארק, אין מאנסי, און א צענטראלע שטיבל אין לעיקוואד וואס איז שוין געעפנט געווארן מיט אכצן יאר צוריק. אצינד האבן די חסידים אין די סאוט לעיקוואד געגנט נעבן אוקענוויין זיך צוזאמגענומען און געעפנט א אייגענע בית המדרש אויף א לאקאלן פארנעם, בברכתו ובעידודו פון כ"ק אדמו"ר מאלכסנדר שליט"א.
די נייע בית החסידים וואס געפונט זיך אויף ריווער עוועניו, איז געעפנט געווארן פארגאנגענעם שבת קודש פרשת קרח, און האט צוגעברענגט גרויס הרחבת הדעת און א חסידישע פרייד ביי די תושבי השכונה.
