כלל ישראל ווערט גערופן צו מתפלל זיין און מעורר זיין רחמי שמים לרפואת כ"ק אדמו"ר מגור שליט"א מזקני האדמורי"ם בדורינו, וועלכער איז ערווארטעט אנצוהייבן א סעריע באהאנדלונגען מארגן זונטאג, נאך וואס דער רבי שליט"א מוטשעט זיך די לעצטע תקופה זייענדיג ערנסט אפגעשוואכט מיט געזונטהייט קאמפליקאציעס.
דער רבי שליט"א איז ערווארטעט אדורכצוגיין דיאליסיס באהאנדלונגען צו פארבעסערן זיין געזונט צושטאנד, און וועט אנהייבן די באהאנדלונגען מארגן דינסטאג אין די הדסה שפיטאל אין ירושלים.
היינט מוצאי שבת קודש זענען דעם רבינ'ס קינדער הרבנים הגאונים שליט"א אנגעקומען צום אוהל הק' פון אדמור"י בית גור אין חצר פון ישיבת שפת אמת, ביים ציון הק' פונעם הייליגן אמרי אמת זצ"ל און ביים ציון הק' פונעם הייליגן פני מנחם זצ"ל, צו מעורר זיין רחמי שמים פארן רבינ'ס געזונט, די פעולות רפואה זאלן עושה רושם זיין לטובה, און דער רבי זאל זיך פולקאם ערהוילן און צוריקקומען צו די כוחות.
כלל ישראל איז מתפלל פאר כ"ק מרן יעקב ארי' בן יוטא הענא, בתוך שאר חולי ישראל.
