א עקסידענט האט פאסירט היינט צופרי אין די סמיט גארדענס געגנט אין קרית יואל, ווען א קאר האט פארלוירן קאנטראל און אריינגעקראכט אין א הצלה גאראדזש, שאפנדיג ערנסטע שאדן פאר די געביידע, און לייכטע שאדן פאר די אמבולאנס אינעווייניג.
די גאראדזש געביידע וועלכער איז געווידמעט פאר איין אמבולאנס צו דעקן שנעלע עמערדזשענסי הילף אין דעם געגנט, איז איינער פון די מערערע הצלה געביידעס אינערהאלב חברה הצלה פון קרית יואל וואס איז אויסגעשפרייט איבער אלע געגנטער אין שטאט. די קאר האט אריינגעקראכט אין די פאדערשטע ווינקל און איינגעבראכן די געביידע, עמערדזשענסי אגענטורן זענען אראפגעקומען אויפן סצענע צו פארזיכערן די געביידע אז עס זאל נישט צוזאמפאלן.
