די תלמידים פון ישיבה הרמה אהל משה אין לעיקוואד, בנשיאות הרה"ג ר' מרדכי שלעזינגער שליט"א ראש הישיבה, האבן היינט דורכ'ן טאג אפגעשטאט א באזוך במעון הקודש פון כ"ק אדמו"ר מסאטמאר שליט"א, זייענדיג אויפן וועג אהיים פון א געהויבענע שבת התוועדות וואס איז געפראוועט געווארן אין די קאנטרי בערג.
די באזוך איז פארגעקומען אין די שפאגל נייע הערליכע ספרים שטוב בביתו נאוה קודש פון כ"ק אדמו"ר מסאטמאר שליט"א אויף צאנז קט. אין קרית יואל, וואס איז אין די לעצטערע וואכן פארענדיגט געווארן אין די נייע צוגעבויעטע פליגל בביתו נאוה קודש פונעם רבי'ן, צוצוברענגען הרחבת הדעת פארן רבי'ן.
דער רבי שליט"א וועלכער איז א גרויסער מחבב ספרים און פארמאגט א ריזן אוצר מיט צענדליגע טויזענטער ספרי קודש פון אלע סארט מקצועות התורה, האט אין די לעצטע פאר וואכן אריבערגעפירט אלע ספרים צום נייעם ספרים שטוב מיטן הילף פון עטליכע בחורים און נאנטע מקורבים, דער רבי האט געגעבן גענויע אנווייזונגען וויאזוי צו מסדר זיין די ספרים אין די צוויי שטאקעדיגע ספרים שטוב מיט צענדליגע ספרים שאפעס אויף אלע זייטן.
