היינט קומט פאר די שמחת החתונה פונעם חתן א זון פון הגה"צ ר' אברהם ענגלארד שליט"א אב"ד דאברא, איידעם ביי הגה"צ ר' אהרן שפירא שליט"א גאב"ד פרדס כץ, מיט די כלה א טאכטער פון הרב מרדכי שפירא שליט"א, אייניקל פון כ"ק אדמו"ר מזוועהיל זצ"ל בעל יוקרא דמלכא, און איידעם ביי הגה"צ אבד"ק קאזעווע שליט"א. – די שמחת החתונה קומט פאר אין זאל עטרת חי' שרה אין מאנסי.

היינט קומט פאר די מעמד הכנסת ספר תורה בביתו נאוה קודש פון כ"ק אדמו"ר מסקווירא שליט"א, פאר די ספר תורה וואס ווערט אריינגעגעבן צום נייעם היכל התפילה בית עסטרייכער אין ביהמ"ד הגדול אין שיכון סקווירא, נדבת הנגיד החסיד ר' אביגדור עסטרייכער הי"ו מראשי הקהילה.

היינט קומט פאר א גרויסע אסיפה פאר כלל חסידי תולדות אהרן פון איבער גאנץ ארץ ישראל, אין ביהמ"ד הגדול אין ירושלים עיה"ק אין שפיץ פון כ"ק אדמו"ר מתולדות אהרן שליט"א.

היינט קומט פאר די מעמד הנחת אבן הפינה פאר די נייע בנין הכנסת אורחים בית שינאווא, סמוך ונראה צום ציון הק' פון הגה"ק משינאווא זי"ע בעל דברי יחזקאל, בליל ההילולא קדישא ו' טבת.

היינט ה' טבת געפאלט די יומא דהילולא קדישא פון הרה"ק בעל אביר יעקב מסאדיגורא זי"ע, פילע אידן וועלן ארויפגיין צום ציון הק' אויפן בית החיים נחלת יצחק אין גבעתיים, כ"ק אדמו"ר מקאפיטשניץ שליט"א וועט ארויפגיין צום ציון הק' בראש קהל חסידיו אין די פארמיטאג שעה'ן.

אריינצושיקן מודעות און נייעס, שיקט אן אימעיל צו NEWS@JDNMAIL.COM