אין די קאלישער קעמפ אין גרינפיעלד פארק ניו יארק, האט די נאכט אויסגעבראכן א העלישע פייער וואס האט פארניכטעט עטליכע געביידעס, א קורצע צייט נאך וואס די תלמידי המחנה האבן פארלאזט די קעמפ אויפן וועג אהיים אין שטאט אריין, נאך א געשמאקע אנגעפולטע זוממער מיט תורה יראת שמים און מידות טובות.
די פייער האט זיך שנעל פארשפרייט צווישן עטליכע געביידעס, א גרויסע באנק האוז און נאך באנגעלאוס, וואס האט בליץ שנעל אויפגעפלאמט אין זעלטן העלישע פלאמען, א ספר תורה און תשמישי קדושה זענען שנעל ארויסגעראטעוועט געווארן ב"ה, אין די צייט וואס די גאנצע געביידע איז טאטאל פארניכטעט געווארן אין די פייער, ווען עמערדזשענסי לייט ארבעטן צו פארלעשן די פלאמען און פארזיכערן אז די פייער פארשפרייט זיך נישט צו ארומיגע געביידעס.
