היינט ב' ניסן געפאלט די יומא דהילולא קדישא פון כ"ק אדמו"ר הרה"ק מסקווירא זצ"ל, פילע אידן און די אייניקלעך האדמורי"ם לבית וויזניץ און ראחמיסטריווקא שליט"א וועלן פוקד זיין דעם ציון הק' אין שיכון סקווירא, בנו ממלא מקומו כ"ק אדמו"ר מסקווירא שליט"א וועט ארויפגיין צום ציון הק' צוועלף דרייסיג מיטאג, און דריי אזייגער נאכמיטאג אפרעכטן די יארצייט טיש ברוב עם אין ביהמ"ד הגדול אין שיכון סקווירא.
דעם מוצאי שבת קודש געפאלט די הילולא קדישא פון הרה"ק רבי יוחנן מראחמיסטריווקא זי"ע, די אייניקלעך כ"ק האדמורי"ם מראחמיסטריווקא שליט"א וועלן אפרעכטן די יארצייט טישן און סעודת מלוה מלכה ברוב עם.
היינט קומט פאר די מעמד קביעת מזוזה פאר די נייע איבערגעבויעטע ביהמ"ד ישמח משה ד'סאטמאר אין מאנסי, אין שפיץ פון כ"ק גאב"ד סאטמאר מאנסי שליט"א.
שמחת בית באיאן: דעם שבת קומט פאר די שמחת השבע ברכות פון א אייניקל ביי כ"ק אדמו"ר מבאיאן שליט"א, די כלה א טאכטער פון בנו הגדול הגה"צ ר' יוסף ברייאר שליט"א, איידעם ביי הגאון החסיד ר' יעקב שרייבער שליט"א מחשובי חסידי באיאן, מיט די חתן א זון פון הגה"צ ר' שלום וואגשאהל שליט"א, זון פון הגה"צ ר' הערשיל וואגשאהל שליט"א ר"ם בישיבת ערלוי, און איידעם ביי הגה"צ ר' אשר ראזענפעלד שליט"א, זון פון כ"ק אדמו"ר מפינסק קארלין זצ"ל בעל אורחות אהרן. – די שמחת השבע ברכות קומט פאר אין ביהמ"ד הגדול באיאן אין ירושלים.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מזוטשקא אמסנא שליט"א, א טאכטער פון זיין זון הרב חיים ישראל יעקב ראזענבוים שליט"א, איידעם ביי הגה"צ ר' זלמן יוסף שפירא שליט"א, זון פון כ"ק אדמו"ר מנאראל שליט"א, און איידעם ביי כ"ק אדמו"ר מנדבורנא זצ"ל בעל באר יעקב. – די שמחה קומט פאר אין ביהמ"ד זוטשקא אמסנא אין בני ברק.
עס איז געשלאסן געווארן די שידוך פונעם חתן א זון פון הגה"צ ר' ישראל ראזענבוים שליט"א, זון פון כ"ק אדמו"ר מנדבורנא זצ"ל בעל באר יעקב, און איידעם ביי הגה"צ ר' חיים אליעזר האראנטשיק זצ"ל מלעלוב, מיט די כלה א טאכטער פון הרב משה יהושע ענגלענדער שליט"א, זון פון הנגיד החסיד ר' פנחס נפתלי ענגלענדער הי"ו, זון פון הנגיד החסיד ר' אלי'ש ענגלענדער הי"ו פון לאנדאן, און איידעם ביי הגה"צ אבד"ק דושינסקיא בית שמש שליט"א.
כ"ק אדמו"ר מנדבורנא ירושלים שליט"א איז צוגאסט אויף דעם שבת אין מושב בית חלקיה, אויף א שבת התאחדות מיט די בחורי החסידות.
כ"ק אדמו"ר מקוידינוב שליט"א איז צוגאסט אויף דעם שבת אין אתרא קדישא מירון, לרגל די שמחת החאלאקע פון א אייניקל, אור אייניקל פון האדמורי"ם מקארלין סטאלין, דזיקוב וויזניץ, און נאראל שליט"א.
ניחום אבלים:
צו די פטירה פון הגה"צ ר' יוסף יהושע העשיל בלום זצ"ל גאב"ד קרית קאשוי, זיצן שבעה די בני המשפחה, די קינדער און ברידער הרבנים הגאונים שליט"א, אין שטוב פונעם רב זצ"ל אין קרית קאשוי.
אחיו כ"ק אדמו"ר מקאשוי שליט"א זיצט שבעה בבית מדרשו אויף ספענסער אין וויליאמסבורג ביז מאנטאג אינדערפרי, מוצאי שבת קודש וועט דער רבי זיצן שבעה אין שטוב פון אחיו הגדול הגה"צ ר' שאול שלום בלום שליט"א אויף קיעפ סטריט אין וויליאמסבורג.
אחיו כ"ק אדמו"ר מקאשוי שליט"א זיצט שבעה בבית מדרשו אויף ראסס סטריט, ביז מאנטאג אינדערפרי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
