היינט קומט פאר די שמחת הבר מצוה פון א אייניקל ביי כ"ק אדמו"ר מראחמיסטריווקא לעיקוואד שליט"א, א זון פון זיין איידעם הגה"צ ר' אלכסנדר אשר באב"ד שליט"א אב"ד זאלצבורג, זון פון הגה"צ ר' נפתלי מאיר באב"ד שליט"א אבד"ק טארנאפאל. – די שמחה קומט פאר אין זאל גרענד טערעס אין בארא פארק.
כ"ק אדמו"ר מפשעווארסק שליט"א וועט היינט ארויספארן בראש קהל חסידיו צום בית החיים דקהל מחזיקי הדת אין פיטע האלאנד, צו פוקד זיין דעם ציון הק' פונעם פאטער הרה"ק רבי יענקעלע מפשעווארסק זי"ע לרגל די יומא דהילולא קדישא היינט דאנערשטאג.
היינט קומט פאר א מעמד קבלת פנים אין ירושלים לכבודו פון כ"ק אדמו"ר מוויזניץ שליט"א פון לאנדאן, וועלכער איז אנגעקומען צוגאסט קיין ארץ ישראל בקרב חסידיו, די מעמד קומט פאר אין ביהמ"ד הגדול דקהל תורת חיים וויזניץ אויף רחוב אדוניהו הכהן אין ירושלים עיה"ק.
כ"ק אדמו"ר מזוועהיל שליט"א פארט היינט ארויס אויף א נסיעה קיין קערעסטיר אונגארן, וואו דער רבי וועט פראווענען א געהויבענע שבת מיט די נגידי ותומכי המוסדות.
היינט קומט פאר די מעמד כבוד התורה סיום מסכת בבא מציעא וואס איז געלערנט געווארן דורך תלמידי ישיבת מבצר התורה קרעטשניף אין אלעד, עס קומט פאר אין וויזניץ זאל אין אלעד, אין שפיץ פון כ"ק אדמו"ר מקרעטשניף ירושלים שליט"א.
כ"ק אדמו"ר מפיטסבורג שליט"א קומט היינט אן צוגאסט קיין לעיקוואד לטובת מוסדותיו הקדושים, א מעמד קבלת פנים קומט פאר היינט אויפדערנאכט אין שטוב פון הרב החסיד ר' משה טאדרעס הי"ו אויף רידזש עוועניו.
כ"ק אדמו"ר מביאלא בני ברק שליט"א וועט היינט ארויספארן בראש קהל חסידיו צו פוקד זיין די קברי אבות אין די מערת המכפלה, לקראת די שמחת החתונה פון די יונגסטע קינד וואס קומט פאר דעם חודש כסלו.
היינט דאנערשטאג קומט פאר די גרויסע ערשטמאליגע ביזנעס עקספאו דורך קהל צמח דוד ד'שיכון סקווירא, וואו טויזענטער ביזנעסלייט וועלן זיך צוזאמקומען אין די גיגאנטישע קאמפלעקס פון ראקלענד קאמיוניטי קאלעדזש אין מאנסי, און מקיים זיין דעם וחי אחיך עמך.
אריינצושיקן מודעות און נייעס, שיקט אן אימעיל צו NEWS@JDNMAIL.COM
