א פייער האט אויסגעבראכן היינט צופרי אין ירושלים עיר הקודש, ווען א גרויסע געביידע אויף רחוב דוד ילין, וואו עס געפונט זיך א סעמינאר פאר גרויסע מיידלעך, איז פארכאפט געווארן אין העלישע פלאמען און א געדעכטע רויעך.
צוליב די שרעקליכע רויעך וואס האט זיך פארשפרייט אין די גאנצע געביידע, זענען צענדליגע קינדער פארוואונדעט געווארן, אכט און דרייסיג זענען געווארן אפגעפירט אין שפיטאל פאר באהאנדלונגען, דריי דערפון מיט גאר שווערע בראנד וואונדן, אין צוגאב צו נאך עטליכע וואס זענען באהאנדלט געווארן דורך הצלה לייט אויפן פלאץ.
