א הערליכע שמחת שבע ברכות איז פארגעקומען אין היכל התורה והתפלה טאשנאד אין מאנסי, לכבוד די חתונה פון אן אייניקל ביי הגה"צ אב"ד טאשנאד שליט"א, א זון פון זיין עלטסטן זון הרה"ג ר' אהרן מרדכי בריסק שליט"א, דומ"ץ טאשנאד, איידעם ביי הגה"ח ר' שמואל פישמאן שליט"א פון מאנטריאל, מיט די כלה א טאכטער פון הרה"ג ר' בן ציון הלוי הורוויץ שליט"א, זון פון הגה"צ ר' ישראל שמואל שליט"א, אב"ד אונסדארף לאנדאן, און אן אייניקל פון די הייליגע צדיקים לבית באבוב, טשערנאביל און נאדבורנא.
במשך די שמחה האבן זיך אנגעזען מאסן תושבי העיר, מוקירים ומעריצים פונעם טאשנאדער רב שליט"א און זיין זון דער דומ"ץ שליט"א, אין שפיץ פון פילע אדמו"רים ורבנים פון אלע קהילות אין שטאט.
באזונדער האט זיך אנגעזען דער חשוב'ער גאסט כ"ק אדמו"ר מתולדות צבי ספינקא שליט"א, וועלכער האט זיך ספעציעל מטריח געווען צו קומען מחוץ לעיר, צו באשיינען די שמחה ביי זיין מקורב, דער טאשנאדער דיין שליט"א.
אויך האבן במשך די ימי המשתה באשיינט די שמחה כ"ק אדמו"ר מסאטמאר שליט"א, כ"ק אדמו"ר מלויצק שליט"א, כ"ק אדמו"ר מוויזניץ בארא פארק שליט"א, און נאך אדמו"רים ורבנים.


















