דעם ערב שבת נאכמיטאג הארט בעפאר כניסת השבת, איז דער זקן האדמורי"ם כ"ק אדמו"ר מביאלא שליט"א אריינגעפירט געווארן אין שפיטאל, זייענדיג ערנסט אפגעשוואכט אין א שווערע געזונט צושטאנד. דער רבי איז אדורך פארשידענע אונטערזוכונגען אין די הדסה שפיטאל, וואו די דאקטוירים האבן פעסטגעשטעלט אז דער רבי ליידט פון א שווערע לונגען אנטצינדונג, און דארף באהאנדלט ווערן צווישן די שפיטאל ווענט.
חסידי ביאלא אלוועלטליך זענען פארבעטן געווארן צו מתפלל זיין און מעורר זיין רחמי שמים לרפואתו השלימה פונעם רבי'ן, היינט זונטאג איז פארגעקומען מערערע מניני תהלים אין אלע ביאלא בתי מדרשים וואו מען האט איינגעריסן וועלטן פארן רבי'נס געזונט, אזוי אויך איז געמאלדן געווארן אז מארגן מאנטאג וועט פארקומען א צענטראלע עצרת תפילה ביים ציון הק' פונעם רבינ'ס פאטער הרה"ק בעל חלקת יהושע מביאלא זי"ע, בעצם יומא דהילולא קדישא פון זקינו הרה"ק בעל תולדות אדם מאוסטרובא זי"ע.
