פון חצר הקודש ביאלא איז געמאלדן געווארן אז דעם דאנערשטאג ככלות השבעה צו די הסתלקות פונעם געטרייער מנהיג רועה נאמן לעדתו כ"ק אדמו"ר מביאלא זצ"ל, וועט פארקומען א ספעציעלע מעמד קיום בית צדיקים לעד, מקיים צו זיין דעם רבינ'ס שאיפה בהמשך דרכו הקדושה, אזוי ווי דער רבי האט געבעטן און פארגעשריבן בחיים חיותו.
די גרויסע מעמד וועט פארקומען דאנערשטאג אינדערפרי תיכף נאכן אויפשטיין פון די שבעה, בהיכל ביהמ"ד הגדול ביאלא אויף רחוב יעקובזון אין ירושלים, און דערנאך וועט פארקומען די מעמד עלי' לציון אויפן הר הזיתים מיט די באטייליגונג פון הונדערטער חסידים.
אין די זעלבע צייט ווערן געמאכט פיבערהאפטיגע צוגרייטונגען צו א גרויסע שבת התכנסות וואס וועט פארקומען דעם קומענדיגן שבת קודש פרשת אמור בבית מדרשו של רבי, וואו די חסידים פון אלע שטעט וועלן זיך צוזאמקומען ממשיך זיין די הייליגע דרכים פונעם רבי'ן זצ"ל בצילא דמהימנותא.
