היינט איז נפטר געווארן אין בארא פארק א באקאנטער חסידישער חזן און בעל תפילה, הרב החסיד ר' בנציון מיללער ע"ה מחשובי חסידי באבוב, וועלכער האט פאר צענדליגע יארן מהנה געווען טויזענטער אידן ביי זיינע אויפטריטן אין די בית קל שוהל אין בארא פארק, און אין נאך פארשידענע פלעצער וואו ער איז גערופן געווארן פארצודאווענען התעוררות'דיגע תפילות.
הרב החסיד ר' בנציון איז געבוירן אין פערנוואלד, אין די די פי לאגערן אין דייטשלאנד, אין די ערשטע יארן נאכן קריג. זיין פאטער הרב החסיד ר' אהרן מיללער ע"ה איז אויך געווען א ווארעמער בעל תפילה, און געשטאמט פון דורי דורות באבובער חסידים. נאך פון יונגווייז אן האט ר' בנציון שוין באוואונדערט פילע אידן מיט זיין הארציגע און זיסע שטימע, און פארגעדאווענט תפילות מיט א זעלטענעם געשמאק און התעוררות.
טראץ זיין הויכע שטעלע האט ער אנגעהאלטן זיין נאנטע קשר קיין באבוב, און אויפגעשטעלט א שיינעם דור פון תורה טרייע חסידישע אידן לשם ולתפארת. די לעצטע פאר וואכן איז ער געווען נישט געזונט, נאכן פלוצלינג צוזאמפאלן ה"י. די לוויה קומט פאר היינט מיטאג צוועלף דרייסיג, ביי שומרי הדת אין בארא פארק.
