ברחובות העיר ירושלים פארזאמלען זיך אצינד הונדערטער אידן מבני ציון היקרים, צו באשיינען די שווערע אבידה, און באגלייטן אחר מיטתו פון הגאון המפורסם ר' אהרן פישער זצ"ל, מרא דאתרא פון די לעגענדארער בית המדרש זכרון משה און די גאנצע אומגעגנט, און דיין ומורה צדק אין די עדה החרדית.
דער גאון איז געווען א זון פון הגאון הגדול רבי ישראל יעקב פישער זצ"ל ראב"ד העדה החרדית, ומגדולי ירושלים של מעלה אינעם פריערדיגן דור, אין זיינע יונגע יארן האט ער געלערנט אין תלמוד תורה עץ חיים, און זיך אויסגעשארפט בתורה והוראה זייענדיג א ריכטיגער גאון ושולט בכל מכמני התורה.
נאכן פטירה פון זיין גרויסן פאטער, איז ער אויפגענומען געווארן אלס ממלא מקום צו דינען אלס רב אין די זכרון משה געגנט, און אין די צענטראלע בית המדרש און שטיבלעך זכרון משה אין די געגנט. היינט נאכמיטאג איז ער נפטר געווארן בשיבה טובה, אין עלטער פון אכט און זיבעציג יאר. די מסע הלוויה הייבט זיך אן יעצט צען אזייגער ביינאכט אין ארץ ישראל, בהיכל ביהמ"ד זכרון משה אין ירושלים עיה"ק.
