יעצט ביינאכט אין ארץ ישראל איז געמאלדן געווארן מטעם בית כ"ק אדמו"ר מבעלזא שליט"א, אז די געפלאנטע שבת "היכלא דמלכא" וואס האט געזאלט פארקומען דעם שבת קודש פרשת אחרי קדושים, געאייגנט פאר די נגידים ותומכים בממלכת בעלזא, איז געווארן אפגערופן צוליב די מצב הבריאות ביי כ"ק אדמו"ר מבעלזא שליט"א לרפו"ש וואס איז נישט אזוי אמבעסטן.
מיט עטליכע חדשים צוריק איז באריכטעט געווארן די פלענער פון די גרויסע שבת, מיטן ציהל אוועקצושטעלן א פעסטע יסוד פאר די נייע בניני הישיבות דחסידי בעלזא, הונדערטער בעלזא חסידים האבן זיך אנגערופן מיט ווארעמע סכומים צוצולייגן א פלייצע פאר די בעלזא מוסדות, און שטיין צו הילף לימין הקודש פון כ"ק אדמו"ר מבעלזא שליט"א.
די גיגאנטישע קאסטלענד האטעל אין די די סיטי פעסטונג בהרי ירושלים איז שוין געווארן אהערגעשטעלט פארן שבת, און אלע טעכנישע צוגרייטונגען האבן געשפאנט פאראויס ביזן היינטיגן טאג, אבער נאך וואס די מצב הבריאות ביים בעלזא רבי'ן איז נישט אזוי גוט, און דער רבי איז זייער אפגעשוואכט די לעצטע פאר טעג ווי באריכטעט, איז מען געווען געצווינגען אפצורופן דעם שבת און עס אפשטופן אויף א אנדערע געלעגנהייט.
