קומענדיגן דאנערשטאג די דריטע טאג חול המועד פסח, קומט פאר א גרויסארטיגע מעמד "פדיון פטר חמור" בחצר הקודש סאטמאר, ווען כ"ק אדמו"ר מסאטמאר שליט"א וועט מקיים זיין די זעלטענע מצוה בהידור רב, מיט די באטייליגונג פון טויזענטער חסידים פון איבער גרעיטער ניו יארק און ניו דזשערזי, די מעמד קומט פאר אין ביהמ"ד הגדול אין קרית יואל.
קומענדיגן מיטוואך די צווייטע טאג חול המועד פסח, קומט פאר א ספעציעלע יום קנין תורה בחצר הקודש באבוב, סיום מסכת חולין במסגרת הלימוד קנין תורה דחסידי באבוב, נאכמיטאג וועט פארקומען א גרויסע מעמד מסירת מתנות כהונה אין היכל ביהמ"ד הגדול און שפעטער ביינאכט וועט פארקומען די סעודת מצוה לכבודה של תורה אין ביהמ"ד הגדול, אין שפיץ פון כ"ק אדמו"ר מבאבוב שליט"א.
קומענדיגן מיטוואך די צווייטע טאג חול המועד פסח קומט פאר א גרויסע מעמד כבוד התורה בחצר הקודש פאפא, סיום מסכת סוטה והתחלת מסכת גיטין במסגרת הלימוד והגית דחסידי פאפא, עס קומט פאר אין ביהמ"ד הגדול פאפא אין וויליאמסבורג, אין שפיץ פון כ"ק אדמו"ר מפאפא שליט"א.
היינט דאנערשטאג יום תענית בכורים קומט פאר אין שיכון סקווירא די מעמד סיום מסכת סנהדרין וואס איז געלערנט געווארן במסגרת הלימוד הדף היומי, עס קומט פאר נאך תפילת שחרית אין ביהמ"ד הגדול אין שיכון סקווירא, אין שפיץ פון כ"ק אדמו"ר מסקווירא שליט"א.
כ"ק אדמו"ר מסאדיגורא שליט"א איז צוגאסט אויף יום טוב פסח אין אנטווערפן, בבית חותנו הגה"צ ר' אשר חיים שטערנבוך שליט"א רב ביהמ"ד אהל יעקב ודומ"ץ קהל מחזיקי הדת אנטווערפן, די תפילות און טישן דורכאויס יו"ט וועט דער רבי פראווענעם אין טשארטקובער קלויז אין שטאט.
קומענדיגן דינסטאג די ערשטע טאג חול המועד, געפאלט די יומא דהילולא קדישא פון כ"ק אדמו"ר הרה"ק רבי איציקל מסקווירא זי"ע, נכדו כ"ק אדמו"ר מסקווירא שליט"א וועט אפרעכטן די יארצייט טיש בהיכל ביהמ"ד הגדול אין שיכון סקווירא.
קומענדיגן חול המועד פסח מיטוואך אויפדערנאכט י"ט ניסן, געפאלט די יומא דהילולא קדישא פון הרה"ק רבי אהרן הגדול מקארלין זי"ע, כ"ק האדמורי"ם מקארלין סטאלין, פינסק קארלין, און לוצק שליט"א, און נאך פילע אדמורי"ם ורבנים, וועלן אפרעכטן די יארצייט טישן אין די בתי מדרשים.
קומענדיגן חול המועד פסח דאנערשטאג אויפדערנאכט כ' ניסן, געפאלט די יומא דהילולא קדישא פון הרה"ק בעל מראה יחזקאל זי"ע, נכדו כ"ק אדמו"ר מדעעש שליט"א וועט אפרעכטן די יארצייט טיש בבית מדרשו אויף רחוב רבי טרפון אין בני ברק.
קומענדיגן חול המועד פסח מיטוואך אויפדערנאכט י"ט ניסן, געפאלט די יומא דהילולא קדישא פון הרה"ק רבי שלמה לייב מלענטשנא זי"ע, די אייניקלעך כ"ק האדמורי"ם שליט"א לבית ביאלא וועלן אפרעכטן די יארצייט טישן אין די בתי מדרשים.
קומענדיגן חול המועד פסח מיטוואך אויפדערנאכט י"ט ניסן, געפאלט די יומא דהילולא קדישא פון כ"ק אדמו"ר מספינקא זצ"ל בעל שיח יעקב יוסף, די קינדער כ"ק האדמורי"ם מספינקא שליט"א וועלן אפרעכטן די יארצייט טישן אין די בתי מדרשים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
