כ"ק אדמו"ר מוויזניץ שליט"א פון ירושלים איז ערווארטעט ארויסצופארן אויף א נסיעה קיין ארץ ישראל דעם דינסטאג, צו פראווענען דעם יו"ט ל"ג בעומר בקרב חסידיו אין ירושלים עיר הקודש.
צום ערשטן מאל וועט דער רבי אפרעכטן א מעמד ההדלקה בליל ל"ג בעומר לכבוד התנא האלקי רבי שמעון בר יוחאי, נאך וואס אין די וויזניצע הויפן אין אמעריקע איז נישט איינגעפירט צו מאכן א הדלקה, זייענדיג באקאנט אלס א מנהג ארץ ישראל. די גרויסע הדלקה וועט פארקומען מוצאי שבת קודש פארנט פון ביהמ"ד הגדול דקהל תורת חיים וויזניץ אויף רחוב אדוניהו הכהן.
שבת קודש וועט דער רבי פראווענען בבית מדרשו אויף רחוב אדוניהו הכהן, און זונטאג ביום ל"ג בעומר וועט דער רבי אפרעכטן שולחנו הטהור לכבוד היום, נאכגעפאלגט מיט די לחיים טיש לרגל די יום הצלה פון אביו הגדול הרה"ק מוויזניץ זי"ע.
